അനിൽ ജോസഫ്
നെയ്യാറ്റിൻകര: കുമ്പസാരം നിരോധിക്കണമെന്ന ദേശീയ വനിതാ കമ്മിഷൻ അദ്യക്ഷയുടെ ശുപാർശക്കെതിരെ കേരള ലാറ്റിൻ കാതോലിക്ക, നെയ്യാറ്റിൻകര രൂപതാ വിമെൻസ് അസോസിയേഷൻ, ശക്തമായ പ്രതിഷേധം രേഖപ്പെടുത്തി.
രൂപത പ്രസിഡന്റ് ശ്രീമതി ബേബി തോമസിന്റെ അധ്യക്ഷതയിൽ ചേർന്ന യോഗത്തിലാണ് കത്തോലിക്കാ സഭയുടെ വിശ്വാസത്തിന്റെ ആധാരമായ കുമ്പസാരം എന്ന കൂദാശയെ നിരോധിക്കാനുള്ള ദേശീയ വനിതാ കമ്മീഷൻ അദ്യക്ഷ രേഖാശർമ്മയുടെ ശുപാർശക്കെതിരെ പ്രതിഷേധം ഉയർന്നത്.
ഭരണഘടനാ ഉറപ്പ് നൽകുന്ന മതസ്വാതന്ത്ര്യം എല്ലാ മതസ്ഥർക്കും ഒന്നുപോലെ ലഭ്യമാക്കാൻ സർക്കാരുകൾ തയ്യാർ ആകണം. വർഗീയതയുടെ വിഷ വിത്തുകൾ സമൂഹത്തിൽ പടർത്തി മതസ്വാതന്ത്ര്യവും മതസൗഹാർദ്ദവും തകർക്കാനാൻ ശിഥിലീകരണ ശക്തികളാണ് ശ്രമിക്കുന്നത്. ഈ സാഹചര്യത്തിൽ,
സഭയുടെ വിശ്വാസ സത്യത്തെയും, അനുഷ്ടാനങ്ങളെയും എന്തു വിലകൊടുത്തും സംരക്ഷിക്കാൻ സ്ത്രീ സമൂഹം തയ്യാർ ആകണമെന്ന് യോഗം ആവശ്യപ്പെട്ടു. ഭാരതത്തിലെ സ്ത്രീകളുടെ സുരക്ഷിതത്വവും, സ്വാതന്ത്ര്യവും, സമത്വവും ഉറപ്പാക്കാൻ കഴിയാത്ത വനിതാ കമ്മീഷന് ക്രൈസ്തവ വിശ്വാസസംഹിതയെ ചോദ്യം ചെയ്യാൻ അവകാശമില്ല എന്ന് യോഗം വിലയിരുത്തി.
ലോഗോസ് പാസ്റ്ററൽ സെന്ററിൽ വച്ചുനടന്ന യോഗത്തിൽ റവ. ഫാ. അനിൽ കുമാർ, അൽമായ കമ്മിഷൻ ഡയറക്റ്റർ, ശ്രീമതി അൽഫോൻസാ ആന്റിൽസ്, കെ.എൽ.സി.ഡബ്ള്യൂ.എ. സംസ്ഥാന സെക്രട്ടറി, സിസ്റ്റർ സിബിൽ, രൂപത ഭാരവാഹികൾ എന്നിവർ സംസാരിച്ചു
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.