അനിൽ ജോസഫ്
പാറശാല: നെയ്യാറ്റിൻകര രൂപതാ ജപമാല പദയാത്രയോടനുബന്ധിച്ച് ഉദിയന്കുളങ്ങര ഇടവകയുടെ നേതൃത്വത്തിൽ
ലീജിയന് ഓഫ് മേരി നെയ്യാറ്റിന്കര കമ്മിസിയം ഒരുക്കുന്ന മരിയന് എക്സിബിഷന് ഉദിയന്കുളങ്ങര സെന്റ് മേരീസ് ദേവാലയത്തില് ആരംഭിച്ചു. നെയ്യാറ്റിന്കര രൂപതയില് നടന്നുവരുന്ന ജപമാല മാസാചരണത്തിന്റെ ഭാഗമായാണ് ജപമാല പദയാത്രയും മരിയന് എക്സിബിഷനും സംഘടിപ്പിച്ചിരിക്കുന്നത്.
എക്സിബിഷനില് മാതാവിന്റെ അപൂര്വ്വ ചിത്രങ്ങളും വിവിധ രാജ്യങ്ങളില് നിന്നുളള ജപമാലകളും ഇടം നേടിയിട്ടുണ്ട്. മാതാവിന്റെ ശൈശവം മുതൽ വ്യാകുലങ്ങളും ജീവിതത്തിലെ സംഭവങ്ങളും അടങ്ങുന്ന ആയിരത്തിലേറെ ചിത്രങ്ങളുടെ പ്രദർശനമാണ് ഒരുക്കിയിട്ടുള്ളത്. ഇന്ന് തുടങ്ങിയ മരിയൻ എക്സിബിഷൻ 28-നാണ് അവസാനിക്കുന്നത്. രാവിലെ ഒൻപതു മണിമുതൽ വൈകുന്നേരം അഞ്ചു മണിവരെ സൗജന്യ സന്ദര്ശനത്തിനുള്ള സമയമുണ്ട്.
ആദ്യ ദിനമായ ഇന്ന് രാവിലെ 9-ന് വചന ബോധന കമ്മീഷൻ എക്സിക്യൂട്ടീവ് സെക്രട്ടറി ഫാ. ക്രിസ്റ്റഫർ ‘മരിയൻ എക്സിബിഷൻ’ ഉദ്ഘാടനം ചെയ്തു. തുടർന്ന്, എട്ട് മണിക്കൂർ ആരാധനയും വൈകുന്നേരം 5 മണിക്ക് ആഘോഷമായ ദിവ്യബലിയും ഉണ്ടായിരുന്നു. ദിവ്യബലിക്ക് മോൺ. വി.പി.ജോസ് നേതൃത്വം നൽകി, ഫാ. ജോർജ് മച്ചിക്കുഴിയിൽ സന്ദേശം നൽകി.
നാളെ രാവിലെ 9-ന് അഖണ്ഡജപമാലയും വൈകുന്നേരം 5 മണിക്ക് അജപാലന ശുശ്രുഷാ ഡയറക്ടർ ഡോ.നിക്സണ് രാജിന്റെ നേതൃത്വത്തില് ദിവ്യബലിയും ഉണ്ടായിരിക്കും. തുടര്ന്ന്, 6-ന് മരിയന് സന്ധ്യ സംഘടിപ്പിച്ചിട്ടുണ്ട്, ഇതിന്റെ അധ്യക്ഷ ഉദിയൻകുളങ്ങര പ്രസീഡിയം പ്രസിഡണ്ട് സി. സ്റ്റെഫിനും ഉദ്ഘാടനം ഫാ. ലൂക്ക് കടവിൽ പുരയിലും നിർവഹിക്കും. ഫാ.ജോർജ് മച്ചിക്കുഴിയിൽ മരിയൻ പ്രാഭാഷണം നടത്തും.
അവസാന ദിവസമായ 28 ഞായർ ഉച്ചക്ക് 1 മണിക്ക് നെയ്യാറ്റിന്കര അമലോത്ഭവമാതാ കത്തീഡ്രലില് നിന്ന് ഉദിയന്കുളങ്ങര സെന്റ് മേരീസ് ദേവാലയത്തിലേക്ക് മാതാവിന്റെ തിരുസ്വരൂപവും വഹിച്ച് കൊണ്ടുളള ‘ജപമാല പ്രദക്ഷിണ’വും തുടര്ന്ന് പൊതു സമ്മേളനവുമാണ് ക്രമീകരിച്ചിരിക്കുന്നത്. പൊതു സമ്മേളനം നെയ്യാറ്റിന്കര രൂപത മെത്രാൻ ഡോ.വിന്സെന്റ് സാമുവല് ഉദ്ഘാടനം ചെയ്യും.
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.