അനിൽ ജോസഫ്
ബാലരാമപുരം: തെക്കിന്റെ കൊച്ചുപാദുവയെന്നറിയപ്പെടുന്ന പ്രസിദ്ധ തീര്ത്ഥാടന കേന്ദ്രമായ കമുകിന്കോട് വിശുദ്ധ അന്തോണീസ് ദേവാലയ തിരുനാളിന് ഇന്ന് (ചൊവ്വാഴ്ച) തുടക്കമാവും. തീര്ത്ഥാടനത്തിന് മുന്നോടിയായി നടന്ന പതാകാ പ്രയാണം ഭക്തി സാന്ദ്രമായി. നേമം മിഷന് തുടക്കം കുറിച്ച ശാസ്ത്താംതലയില് നിന്ന് ഇടവക വികാരി ഫ്ളാഗ് ഓഫ് ചെയ്ത പതാകാ പ്രയാണം ദേവാലയത്തിലേക്ക് നടന്നു. ഇടവകയിലെ 21 ബിസിസി യൂണിറ്റുകളിലെ വിശ്വാസികളും തീര്ത്ഥാടകരും പതാക പ്രയാണത്തില് പങ്കെടുത്തു.
നിരവധി ഫ്ളോട്ടുകളും, മുത്തുക്കുടകളും, പേപ്പല് ഫ്ളാഗുകള് ഏന്തിയ വിശ്വാസികളും പതാക പ്രയാണത്തിന് മാറ്റുകൂട്ടി. ഇന്ന് രാവിലെ 6.30-ന് നടക്കുന്ന തീര്ത്ഥാനട ഉദ്ഘാടന സമൂഹദിവ്യബലിക്ക് തിരുവനന്തപുരം അതിരൂപത വികാരി ജനറല് മോണ്.സി.ജോസഫ് മുഖ്യ കാര്മ്മികത്വം വഹിക്കും. 10.00-ന് നടക്കുന്ന പൊന്തിഫിക്കല് ദിവ്യബലിക്ക് മുന് കൊല്ലം ബിഷപ് ഡോ.സ്റ്റാന്ലി റോമന് മുഖ്യ കാര്മ്മികത്വം വഹിക്കും. തുടര്ന്ന്, വിശുദ്ധ അന്തോണീസിന് കിരീടം ചാര്ത്തല് ചടങ്ങ് നടക്കും.
വൈകിട്ട് 03.00-ന് കൊച്ച് പളളിയില് നിന്ന് വലിയ പളളിയിലേക്ക് വിശുദ്ധ അന്തോണീസിന്റെ തിരുസ്വരൂപവും വഹിച്ച് തീര്ത്ഥാടന പ്രയാണം. വൈകിട്ട് 07.00-ന് നടക്കുന്ന സൗഹൃദ സന്ധ്യ മന്ത്രി കെ.ടി.ജലീല് ഉദ്ഘാടനം ചെയ്യും. മാര്ത്താണ്ഡം രൂപത ബിഷപ് വിന്സെന്റ് മാര് പൗലോസ് അനുഗ്രഹ പ്രഭാഷണം നടത്തും. രാത്രി 11.00-ന് ആഘോഷമായ കൊടിയേറ്റ് കര്മ്മം ഇടവക വികാരി ഫാ.ജോയിമത്യാസ് നിര്വ്വഹിക്കും.
22 ശനിയാഴ്ച ദിവ്യബലിയെ തുടര്ന്ന് ആഘോഷമായ ചപ്ര പ്രദക്ഷിണം നടക്കും. തീര്ത്ഥാടനത്തിന്റെ സമാപന ദിനമായ 23 ഞായറാഴച് രാവിലെ 09.30-ന് ആഘോഷമായ പൊന്തിഫിക്കല് ദിവ്യബലിക്ക് ബിഷപ്പ് ഡോ.വിന്സെന്റ് സാമുവല് മുഖ്യ കാര്മ്മികത്വം വഹിക്കും.
തീര്ത്ഥാടനത്തിന്റെ ഭാഗമായി തിരുനാള് പ്രണാമ സന്ധ്യ, ആദരസന്ധ്യ, സമാപന സമ്മേളനം എന്നിവയും ഉണ്ടാവും. മന്ത്രിമാരായ ഇ.പി.ജയരാജന്, കടകംപളളി സുരേന്ദ്രന്; പ്രതിപക്ഷതേതാവ് രമേശ് ചെന്നിത്തല; എംപിമാരായ ശശിതരൂര്, ഷാനിമോള് ഉസ്മാന്; എഎല്എ മാരായ സി.കെ.ഹരീന്ദ്രന്, എം.വിന്സെന്റ്, വി.എസ്.ശിവകുമാര്, ഓ.രാജഗോപാല്, വി.കെ.പ്രശാന്ത്, ഐബി സതീഷ്, കെ.ആന്സലന്, പി.സി.കുഞ്ഞിരാമന് തുടങ്ങിയവരും വിവിധ പരിപാടികളില് പങ്കെടുക്കും.
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.