Vatican

മാർ ആൻഡ്രൂസ് താഴത്തിനെ സഭാനിയമ വ്യാഖ്യാന സംഘത്തിൽ ഫ്രാൻസിസ് പാപ്പാ നിയമിച്ചു

പൗര്യസ്ത്യ കാനോൻ നിയമ വിദഗ്ധരെ പ്രതിനിധീകരിച്ചാണ് മാർ ആൻഡ്രൂസ് താഴത്ത് നിയമിതനായിരിക്കുന്നത്...

സ്വന്തം ലേഖകൻ

റോം: പൊന്തിഫിക്കൽ കൗൺസിൽ ഫോർ ലെജിസ്ലേറ്റീവ് ടെക്സ്റ്റ്സ് സംഘത്തിലേയ്ക്ക് തൃശൂർ അതിരൂപത ആർച്ച് ബിഷപ്പ് മാർ ആൻഡ്രൂസ് താഴത്ത് നിയമിതനായി. സഭാനിയമ വ്യാഖ്യാന സംഘത്തിലേയ്ക്ക് പരിശുദ്ധ പിതാവ് ഫ്രാൻസീസ് പാപ്പാ നടത്തിയ ഈ നിയമനത്തിന്റെ കാലാവധി അഞ്ച് വർഷമാണ്. പരിശുദ്ധ പിതാവ് കേരളസഭയ്ക്ക് നൽകിയ വലിയ അംഗീകാരമായാണ് ഈ നിയമനത്തെ കാണുന്നതെന്ന് മാർ ആൻഡ്രൂസ് താഴത്ത് പ്രതികരിച്ചു.

പാപ്പായെ തന്റെ അജപാലന ദൗത്യങ്ങളിൽ സഭാനിയമ വ്യാഖ്യാനത്തിലൂടെ സഹായിക്കുകയാണ് റോമൻ കൂരിയയുടെ ഭാഗമായ പൊന്തിഫിക്കൽ കൗൺസിൽ ഫോർ ലെജിസ്ലേറ്റീവ് ടെക്സ്റ്റ്സിന്റെ ഉത്തരവാദിത്വം. 1917-ൽ ബനഡിക്റ്റ് പതിനഞ്ചാമൻ പാപ്പായാണ് സഭാനിയമ വ്യാഖ്യാനത്തിനായി ഒരു പൊന്തിഫിക്കൽ കമ്മീഷൻ രൂപീകരിച്ചത്. തുടർന്ന്, 1989-ൽ ജോൺ പോൾ രണ്ടാമൻ പാപ്പാ ഈ കമ്മീഷനെ പൊന്തിഫിക്കൽ കൗൺസിൽ പദവിയിലേക്ക് ഉയർത്തുകയായിരുന്നു.

ഇന്ത്യയിലെ അറിയപ്പെടുന്ന പൗര്യസ്ത്യ കാനൻ നിയമവിദഗ്ധനായ മാർ ആൻഡ്രൂസ് താഴത്ത് ഇതിനുമുൻപ് 2008-2013 കാലഘട്ടത്തിലും പൊന്തിഫിക്കൽ കൗൺസിൽ ഫോർ ലെജിസ്ലേറ്റീവ് ടെക്സ്റ്റ്സ് സംഘത്തിലേയ്ക്ക് നിയമിതനായിട്ടുണ്ട്.

പൗര്യസ്ത്യ കാനോൻ നിയമ വിദഗ്ധരെ പ്രതിനിധീകരിച്ചാണ് മാർ ആൻഡ്രൂസ് താഴത്ത് നിയമിതനായിരിക്കുന്നത്. ഇന്ത്യയിൽ നിന്ന് കർദിനാൾ ഓസ്വാൾഡ് ഗ്രെഷ്യസും പൊന്തിഫിക്കൽ കൗൺസിൽ ഫോർ ലെജിസ്ലേറ്റീവ് ടെക്സ്റ്റ്സ് സംഘത്തിൽ അംഗമാണ്.

കാത്തലിക് വോക്സിന്റെ വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക

Click to join Catholiocvox Whatsapp group

നിങ്ങളുടെ സിഗ്നൽ ആപ്പിൽ വാർത്തകൾ ലഭ്യമാകുവാൻ ഈ ലിങ്കിൽ ക്ലിക്ക് ചെയ്ത് പങ്കുചേരുക  https://signal.group/#CjQKICkqW9GKoEDikKsTu0tZ9VxXgh18yfWrRtV0RQ6dC_yVEhAMKirkTjZbVHwCl2YCzWzE

കൂടുതൽ വീഡിയോകൾ കാണുന്നതിന് ഞങ്ങളുടെ ചാനൽ സന്ദർശിക്കുക

https://www.youtube.com/CatholicVox

Show More

Leave a Reply

Your email address will not be published. Required fields are marked *

Related Articles

Back to top button
Close
Close

Adblock Detected

Please consider supporting us by disabling your ad blocker