Kerala

ലത്തീൻ കത്തോലിക്കാ സമുദായ ദിന സംഗമം: സ്വാഗതസംഘ രൂപീകരണവും, ഓഫീസ് ഉദ്‌ഘാടനവും

ലത്തീൻ കത്തോലിക്കാ സമുദായ ദിന സംഗമം: സ്വാഗതസംഘ രൂപീകരണവും, ഓഫീസ് ഉദ്‌ഘാടനവും

സ്വന്തം ലേഖകൻ

തിരുവനന്തപുരം: ഈ വർഷം ഡിസംബർ 9-ന് നടക്കുവാൻപോകുന്ന ലത്തീൻ കത്തോലിക്കാ സമുദായ ദിന സംഗമത്തിന്റെ പ്രവര്‍ത്തനങ്ങള്‍ക്ക് നേതൃത്വം നല്കാന്‍ കെ.ആര്‍.എല്‍.സി.സി. പ്രസിഡന്റായ തിരുവനന്തപുരം അതിരൂപത ആര്‍ച്ചുബിഷപ്പ് എം. സൂസപാക്യം മുഖ്യരക്ഷാധികാരിയായി സ്വാഗതസംഘം, വെള്ളയമ്പലം ജൂബിലി മെമോറിയൽ ആനിമേഷൻ സെൻ്ററിൽ വച്ച് രൂപീകരിച്ചു.

ബിഷപ്പ് ഡോ. ക്രിസ്തുദാസ് ചെയര്‍മാനും; ഫാ. ടോണി ഹാംലെറ്റ് ജനറല്‍ കണ്‍വീനറും; ആന്റണി ആല്‍ബര്‍ട്ട്, ഷേര്‍ളി ജോണി, ജോര്‍ജ് പള്ളിത്തറ, ജോണി എം.എ ഇമ്മാനുവല്‍ എന്നിവര്‍ കണ്‍വീനര്‍മാരുമായി 251 അംഗങ്ങളാണ് സ്വാഗതസംഘത്തില്‍ പ്രവര്‍ത്തിക്കുന്നത്.

തുടർപ്രവർത്തനങ്ങളുടെ ക്രോഡീകരണത്തിനായി ഒരു സ്വാഗതസംഘ ഓഫീസും ആരംഭിച്ചു. വെള്ളയമ്പലം സമന്വയ പാസ്റ്ററൽ സെൻ്ററിലാണ് ഈ സ്വാഗതസംഘ ഓഫീസ് പ്രവർത്തിക്കുക. സ്വാഗതസംഘ ഓഫീസിന്റെ ഉദ്ഘാടനം മോൺ. യൂജിൻ പെരേര നിർവഹിച്ചു.

ഓഖി ദുരന്തത്തിന്റെ ഒന്നാം വാര്‍ഷിക അനുസ്മരണത്തിന്റെ പശ്ചാത്തലത്തില്‍ നടക്കുന്ന സമുദായ ദിനാചരണത്തില്‍ തീരസംരക്ഷണവും തീരജനതയുടെ സമഗ്രവികസനവും ഗൗരവമായ ചര്‍ച്ചക്കും തുടര്‍നടപടികള്‍ക്കും തുടക്കം കുറിക്കും.

ഡിസംബര്‍ 9-ന് വൈകുന്നേരം അഞ്ചുമണിക്ക് ശംഖുമുഖത്താണ്‌ പതിനായിരങ്ങള്‍ പങ്കെടുക്കുന്ന സമുദായ സമ്മേളനം.

Show More

Leave a Reply

Your email address will not be published. Required fields are marked *

Related Articles

Back to top button
Close
Close

Adblock Detected

Please consider supporting us by disabling your ad blocker