Kerala
കെ.പി.സി.സി. ഭാരവാഹിത്വത്തിൽ ലത്തീൻ സമുദായത്തിന് അർഹമായ പ്രാതിനിധ്യം ഉണ്ടാകണം; കെ.എൽ.സി.എ.
കെ.പി.സി.സി. ഭാരവാഹിത്വത്തിൽ ലത്തീൻ സമുദായത്തിന് അർഹമായ പ്രാതിനിധ്യം ഉണ്ടാകണം; കെ.എൽ.സി.എ.
![](https://i0.wp.com/www.catholicvox.com/wp-content/uploads/2019/02/klca.jpg?resize=780%2C394&ssl=1)
എറണാകുളം: കെ.പി.സി.സി. ഭാരവാഹികളുടെ പട്ടികയിൽ ലത്തീൻ സമുദായത്തെ പാടേ തഴഞ്ഞതിൽ ശക്തമായ പ്രതിഷേധം രേഖപ്പെടുത്തി കെ.എൽ.സി.എ. കോൺഗ്രസ് ഹൈക്കമാൻഡ് നേതൃത്വത്തിന് കത്ത് നൽകി. പട്ടികയിൽ മാറ്റം വരുത്തി ലത്തീൻ സമുദായത്തിന് അർഹമായ പ്രാതിനിധ്യം നൽകണമെന്ന് കെ.എൽ.സി.എ. ആവശ്യപ്പെട്ടു.
കോൺഗ്രസ് എന്ന രാഷ്ട്രീയ പാർട്ടിയിലാണ് സമുദായത്തിലെ ഭൂരിഭാഗം രാഷ്ട്രീയ പ്രവർത്തകരും ചേർന്നു നിൽക്കുന്നത്. സമുദായത്തിന് സ്വാധീനമുള്ള മണ്ഡലങ്ങളിൽ ഒക്കെ കോൺഗ്രസ് വിജയിക്കുന്നതിന് പ്രധാന ഘടകവും അതാണ് എന്നത് മറക്കരുത്. നിലവിൽ പരിഗണിക്കാൻ ഉദ്ദേശിക്കുന്ന ഭാരവാഹികളുടെ പേരുകളിൽ സമുദായത്തിന് മതിയായ പ്രാതിനിധ്യമില്ല എന്നകാര്യം ഗൗരവമായി തന്നെ കാണുമെന്ന് സംസ്ഥാന പ്രസിഡന്റ് ആന്റെണി നൊറോണ അറിയിച്ചു.