Parish

കോറോണയില്‍ പാവങ്ങളെ സഹായിച്ച കെ.സി.വൈ.എം. പ്രസിഡന്റ് ഇനി ഇല്ല

ഹൃദയാഘാതത്തിലൂടെയാണ് മരണമെന്നാണ് നിഗമനം...

അനിൽ ജോസഫ്

നെയ്യാറ്റിന്‍കര: കൊറോണയില്‍ പാവങ്ങള്‍ക്ക് കൈത്താങ്ങായ കണ്ണറവിള ഇടവകയിലെ കെ.സി.വൈ.എം. യൂണിറ്റ് പ്രസിഡന്റ് അഖില്‍ ഇനി ഇല്ല. ഇടവകയെയും നാടിനെയും കണ്ണീരിലാഴ്ത്തി അഖില്‍ യാത്രയായി. ഹൃദയാഘാതത്തിലൂടെയാണ് മരണമെന്നാണ് നിഗമനം.

കൊറോണയില്‍ കഷ്ടപ്പെടുന്ന ഇടവകാ ജനങ്ങള്‍ക്ക് 220 ലധികം ഭക്ഷ്യ കിറ്റുകളാണ് അഖിലിന്റെ നേതൃത്വത്തില്‍ നേരിട്ടെത്തിച്ചത്. എന്‍ജിനിയറിംഗ് പൂര്‍ത്തിയാക്കിയ അഖില്‍ ഇപ്പോള്‍ ഒരു സ്വകാര്യ കമ്പനിയില്‍ ജോലി ചെയ്തു വരികയായിരുന്നു. കണ്ണറവിള എസ്.എസ്.ഭവനില്‍ സുരേഷ്-സുധ ദമ്പതികളുടെ 2 മക്കളില്‍ ഇളയമകനാണ് അഖില്‍, അഖിലയാണ് സഹോദരി.

അഖിലിന്റെ വിയോഗത്തില്‍ ഇടവക വികാരി ഫാ.ബിനു ടി. യും, കെസിവൈഎം നെയ്യാറ്റിന്‍കര രൂപത ഡയറക്ടര്‍ ഫാ.റോബിന്‍ സി.പീറ്ററും അനുശോചനം അറിയിച്ചു. കോവിഡ് പ്രോട്ടോക്കോള്‍ അനുസരിച്ചായിരിക്കും സംസ്കാര ചടങ്ങുകള്‍.

Show More

Leave a Reply

Your email address will not be published.

Related Articles

Back to top button

Adblock Detected

Please consider supporting us by disabling your ad blocker