കൊച്ചിയിൽ സെന്റ് തോമസ് മൂർ ദിനാചരണം
രൂപതാ വികാരി ജനറൽ മോൺ.പീറ്റർ ചടയങ്ങാട്ട് അനുസ്മരണ സമ്മേളനം ഉദ്ഘാടനം ചെയ്തു...
![](https://i0.wp.com/www.catholicvox.com/wp-content/uploads/2020/06/thomasmore.jpg?resize=780%2C470&ssl=1)
ജോസ് മാർട്ടിൻ
കൊച്ചി: കെ.സി.വൈ.എം.ന്റെ സ്വർഗ്ഗീയ മദ്ധ്യസ്ഥനായ വി.തോമസ് മൂറിന്റെ തിരുനാൾ ദിനത്തോടനുബന്ധിച്ച് കെ.സി.വൈ.എം. സംസ്ഥാന സമിതിയുടെ നേതൃത്വത്തിൽ സെന്റ് തോമസ് മൂർ ദിനാചരണം നടത്തി. കൊച്ചി രൂപതാ വികാരി ജനറൽ മോൺ.പീറ്റർ ചടയങ്ങാട്ട് അനുസ്മരണ സമ്മേളനം ഉദ്ഘാടനം ചെയ്തു. അധികാരങ്ങൾക്കും സ്ഥാനമാനങ്ങൾക്കും അതീതമായി വിശ്വാസത്തിന് വേണ്ടി നിലകൊണ്ട് രക്തസാക്ഷിത്വം വരിച്ച വിശുദ്ധന്റെ ജീവിതം യുവജനങ്ങൾക്ക് ഉത്തമ മാതൃകയാണെന്ന് അദ്ദേഹം പറഞ്ഞു.
കെ.സി.വൈ.എം. സംസ്ഥാന പ്രസിഡന്റ് ബിജോ പി.ബാബു അദ്ധ്യക്ഷത വഹിച്ച യോഗത്തിൽ കെ.സി.വൈ.എം. സംസ്ഥാന ജനറൽ സെക്രട്ടറി ക്രിസ്റ്റി ചക്കാലക്കൽ, ഡയറക്ടർ ഫാ.സ്റ്റീഫൻ തോമസ് ചാലക്കര, ഫാ.അർഥർ അറക്കൽ, ഫാ.മെൽറ്റസ് കൊല്ലേരി, സിബിൻ സാമുവൽ, ജോസ് പള്ളിപ്പാടൻ, കാസി പൂപ്പന തുടങ്ങിയവർ പ്രസംഗിച്ചു.
വി.തോമസ് മൂറിന്റെ തിരുനാൾ ദിനത്തോടനുബന്ധിച്ച് കോവിഡ് പ്രോട്ടോകോൾ മാനദണ്ഡങ്ങൾ പാലിച്ചു കൊണ്ട് തിരുനാൾ ദിവ്യബലിയും നടത്തി.