സെപ്റ്റംബർ 6 മുതൽ 13 വരെ ജീവകാരുണ്യവാരവുമായി കെ.സി.വൈ.എം.
കേരളത്തിലെ 32 രൂപതകളിലും ഈ ദിനങ്ങളിൽ കെ.സി.വൈ.എം.ന്റെ നേതൃത്വത്തിൽ ജീവകാരുണ്യ പ്രവർത്തനങ്ങൾ നടക്കും...
ജോസ് മാർട്ടിൻ
കൊച്ചി: വിശുദ്ധ മദർ തെരേസയുടെ തിരുനാളിനോടനുബന്ധിച്ച് കെ.സി.വൈ.എം. സംസ്ഥാന സമിതി സെപ്റ്റംബർ 6 മുതൽ 13 വരെ ജീവകാരുണ്യ വാരമായി ആചരിക്കുന്നു. ജീവകാരുണ്യ വാരത്തിന്റെ സംസ്ഥാനതല ഉദ്ഘാടനം കൊച്ചി എം.എൽ.എ. ശ്രീ കെ.ജെ. മാക്സി നിർവ്വഹിച്ചു. സംസ്ഥാന പ്രസിഡന്റ് ബിജോ പി.ബാബു അദ്ധ്യക്ഷത വഹിച്ചു.
ജീവകാരുണ്യവാരത്തിന്റെ ഭാഗമായി കൊച്ചി സെഹിയോൻ പ്രേഷിത സംഘത്തിന് കെ.സി.വൈ.എം.ന്റെ നേതൃത്വത്തിൽ പി.പി.ഇ. കിറ്റുകൾ വിതരണം ചെയ്തു. തുടർന്ന്, മിഷനറീസ് ഓഫ് ചാരിറ്റീസ് സിസ്റ്റേർസ് നടത്തുന്ന വിമലഭവൻ സന്ദർശിക്കുകയും അവശ്യ വസ്തുക്കൾ വിതരണം ചെയ്യുകയും ചെയ്തു.
കേരളത്തിലെ 32 രൂപതകളിലും ഈ ദിനങ്ങളിൽ കെ.സി.വൈ.എം.ന്റെ നേതൃത്വത്തിൽ ജീവകാരുണ്യ പ്രവർത്തനങ്ങൾ നടക്കും. കെ.സി.വൈ.എം. സംസ്ഥാന ജനറൽ സെക്രട്ടറി ക്രിസ്റ്റി ചക്കാലക്കൽ, ഡയറക്ടർ ഫാ.സ്റ്റീഫൻ തോമസ്, SMYM കേരള പ്രസിഡന്റ് ജുബിൻ കൊടിയാംകുന്നേൽ, ഡോ. അരുൺ ഉമ്മൻ, M. X. ജൂഡ്സൺ, ജോസ് പള്ളിപ്പാടൻ, കാസി പൂപ്പന, ആന്റണി ആൻസ്റ്റൽ എന്നിവർ പ്രസംഗിച്ചു.
