Kerala

പാവപെട്ടവരുടെയും ദരിദ്രരുടെയും അവകാശങ്ങള്‍ കവര്‍ന്നെടുക്കരുത്; ബിഷപ് ഡോ.ആര്‍ ക്രിസ്തുദാസ്

സംവരണ തത്വം അട്ടിമറിക്കപ്പെട്ടാല്‍ പിന്നോക്ക സമുദായങ്ങളുടെ നിലനില്‍പ്പിനെ തന്നെ ബാധിക്കും...

സ്വന്തം ലേഖകന്‍

തിരുവനന്തപുരം: പാവപെട്ടവരുടെയും പാര്‍ശ്വവല്‍ക്കരിക്കപെട്ടവരുടെയും അവകാശങ്ങള്‍ കവര്‍ന്നെടുക്കരുതെന്ന് തിരുവനന്തപുരം അതിരൂപത സഹായ മെത്രാന്‍ ഡോ.ആര്‍.ക്രിസ്തുദാസ്.

പിന്നോക്ക വിഭാഗങ്ങള്‍ക്ക് ലഭിച്ചുകൊണ്ടിരിക്കുന്ന സംവരണ ആനൂകൂല്യങ്ങള്‍ അട്ടിമറിക്കാനുളള സര്‍ക്കാര്‍ നീക്കത്തിനെതിരെ പിന്നോക്ക വിഭാഗത്തില്‍പ്പെട്ട സമുദായങ്ങള്‍ സംഘടിപ്പിച്ച സെക്രട്ടറിയേറ്റ് ഉപരോധത്തില്‍ കെഎല്‍സിഎയുടെ പ്രതിഷേധ സമരം ഉദ്ഘാടനം ചെയ്യുകയായിരുന്നു ബിഷപ്.

ആരുടെയും അവകാശങ്ങള്‍ പിടിച്ച് വാങ്ങാനോ അവകാശപ്പെടുത്താനോ അല്ല, മറിച്ച് അര്‍ഹമായവ നേടിയെടുക്കാനാണ് സമരം നടത്തുന്നത്. സംവരണ തത്വം അട്ടിമറിക്കപ്പെട്ടാല്‍ പിന്നോക്ക സമുദായങ്ങളുടെ നിലനില്‍പ്പിനെ തന്നെ ബാധിക്കുമെന്നും ബിഷപ് കൂട്ടിച്ചേര്‍ത്തു.

കെഎല്‍സിഎ അല്‍മായ കമ്മിഷന്‍ ഡയറക്ടര്‍ ഫാ.തിയോഡോഷ്യസ്, കെആര്‍എല്‍സിസി സെക്രട്ടറി ആന്‍റണി ആല്‍ബര്‍ട്ട്, കെഎല്‍സിഎ സംസ്ഥാന നേതാക്കളായ ജോസഫ് ജോണ്‍സന്‍, അനില്‍ ജോണ്‍, പാട്രിക് മൈക്കിള്‍, അഡ്വ.എം.എ.ഫ്രാന്‍സിസ് തുടങ്ങിയവര്‍ പ്രസംഗിച്ചു.

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker