Kerala

കെ.എൽ.സി.എ. കോവിഡ് പ്രതിരോധ സന്നദ്ധസേന രൂപീകരിച്ചു

ഓരോ യൂണിറ്റും അതാത് യൂണിറ്റിന്റെ പരിധിയിലുള്ള തദ്ദേശ സ്വയംഭരണ സ്ഥാപനത്തിന്റെ വാർഡ്തല സമിതിയുമായി സഹകരിച്ചാണ് പ്രവർത്തിക്കുന്നത്...

സ്വന്തം ലേഖകൻ

കൊച്ചി: കേരളാ ലാറ്റിൻ കാത്തലിക്ക് അസോസിയേഷൻ (കെ.എൽ.സി.എ.) കോവിഡ് പ്രതിരോധ സന്നദ്ധസേന രൂപീകരിച്ചു. എറണാകുളത്തെ കേന്ദ്ര ഓഫീസുമായി ചേർന്ന് ബന്ധപ്പെട്ട പ്രവർത്തനങ്ങൾ ആസൂത്രണം ചെയ്തെങ്കിലും, ഇപ്പോഴത്തെ പ്രത്യേക സാഹചര്യത്തിൽ ഓരോ യൂണിറ്റും അതാത് യൂണിറ്റിന്റെ പരിധിയിലുള്ള തദ്ദേശ സ്വയംഭരണ സ്ഥാപനത്തിന്റെ വാർഡ്തല സമിതിയുമായി സഹകരിച്ചാണ് പ്രവർത്തിക്കുന്നത്.

കോവിഡ് പ്രതിരോധ പ്രവർത്തനങ്ങൾക്കായി തദ്ദേശ സ്വയംഭരണ സ്ഥാപനങ്ങൾ രൂപീകരിക്കുന്ന വാർഡ്തല ജാഗ്രത സമിതിയുമായി ചേർന്ന് പ്രവർത്തിക്കാൻ കെ.എൽ.സി.എ. പ്രവർത്തകർ തയ്യാറാകണമെന്ന് പ്രസിഡന്റ് സി.ജെ.പോൾ പറഞ്ഞു. കോവിഡ് പ്രതിരോധ പ്രവർത്തനങ്ങളിൽ കെഎൽസിയുടെ പങ്കാളിത്തം എപ്രകാരം നടത്താം എന്നതിനെ സംബന്‌ധിച്ച് കൂടിയാലോചിക്കുന്നതിന് വരാപ്പുഴ അതിരൂപത സമിതി ഓൺലൈനായി ചേർന്ന അടിയന്തിരമായി യോഗത്തിൽ സംസാരിക്കുകയായിരുന്നു അദ്ദേഹം.

എറണാകുളം ലൂർദ് ആശുപത്രിയുമായി സഹകരിച്ചും കെ.എൽ.സി.എ. സന്നദ്ധസേനക്ക് രൂപം കൊടുക്കുകയാണ്. കോവിഡ് രോഗികളായ വ്യക്തികൾക്ക് ആവശ്യമായ മരുന്നുകൾ വിതരണം ചെയ്യാൻ 50 വയസിന് താഴെയുള്ള വ്യക്തികളുടെ കൂട്ടായ്മയും രൂപീകരിക്കും.

കെഎൽസിഎ സന്നദ്ധസേനയോട് സഹകരിക്കാൻ താൽപര്യമുള്ളവർ അതിരൂപത ഭാരവാഹികളുമായി ബന്ധപ്പെടണമെന്ന് ഡയറക്ടർ ഫാ.മാർട്ടിൻ തൈപ്പറമ്പിൽ, ജനറൽ സെക്രട്ടറി ലൂയീസ് തണ്ണിക്കോട്ട് എന്നിവർ അറിയിച്ചു. കെഎൽസിഎ സംസ്ഥാന ജനറൽ സെക്രട്ടറി അഡ്വ.ഷെറി.ജെ തോമസ്, അഡ്വ.ജസ്റ്റിൻ കരിപ്പാട്ട്, റോയ് ഡി ക്കൂഞ്ഞ, റോയ് പാളയത്തിൽ, വിൻസ് പെരിഞ്ചേരി, സെബാസ്റ്റ്യൻ വലിയ പറമ്പിൽ, സോണി സോസ, മേരി ജോർജ്, ഫിലോമിന ലിങ്കൻ, എൻ.ജെ.പൗലോസ്, സിബി ജോയ് എന്നിവർ പ്രസംഗിച്ചു.

Show More

Leave a Reply

Your email address will not be published. Required fields are marked *

Related Articles

Back to top button
Close
Close

Adblock Detected

Please consider supporting us by disabling your ad blocker