Kerala

15 കുടുംബങ്ങൾക്ക് പാർപ്പിടമൊരുക്കി സി.എം.സി. സന്യാസിനി സമൂഹം

ചാവറ പിതാവിന്റെ നൂറ്റി അമ്പതാം ഓര്‍മ്മ ദിനത്തിന്റെ സ്മരണയിലാണ് ചാവറ ആരാമം പദ്ധതിയുടെ പൂർത്തീകരണം...

സ്വന്തം ലേഖകൻ

ഇരിങ്ങാലക്കുട: പതിനഞ്ച് കുടുംബങ്ങള്‍ക്ക് പാര്‍പ്പിടമൊരുക്കി സി.എം.സി. സിസ്റ്റേഴ്‌സ്. ഉദയ പ്രോവിന്‍സിന്റെ നേതൃത്വത്തിൽ ചാവറ ആരാമം പദ്ധതി പ്രകാരമാണ് ഭവനങ്ങള്‍ നിര്‍മ്മിച്ചത്. ഒരു കുടുംബത്തിന് അഞ്ച് സെന്റ് സ്ഥലവും പാര്‍പ്പിടവും എന്ന രീതിയിലാണ് ഭവനങ്ങള്‍ കൈമാറിയത്. കണ്ണിക്കരയില്‍ നിർമ്മിതമായ 15 വീടുകളുടെ ആശീര്‍വാദകര്‍മ്മവും താക്കോല്‍ദാന ചടങ്ങും ഇരിങ്ങാലക്കുട ബിഷപ്പ് മാര്‍ പോളികണ്ണൂക്കാടന്‍ നിര്‍വ്വഹിച്ചു.

15 കുടുംബങ്ങൾക്കായി ഒരു കുടുംബത്തിന് അഞ്ച് സെന്റ് സ്ഥലവും പാർപ്പിടവും എന്ന രീതിയിലാണ് പദ്ധതി പൂർത്തീകരിച്ചിരിക്കുന്നത്. ആളൂര്‍ ഗ്രാമപഞ്ചായത്ത് പ്രസിഡന്റ് കെ.ആര്‍.ജോജോ, താഴേക്കാട് വികാരി ഫാ.ജോണ്‍ കവലക്കാട്ട്, സെന്റ് ജെയിംസ് ഹോസ്പിറ്റല്‍ അസോസിയേറ്റ് ഡയറക്ടര്‍ ഫാ.ആന്റോ ആലപ്പാടന്‍, പഞ്ചായത്ത് മെമ്പര്‍ ഷൈനി വര്‍ഗീസ് എന്നിവര്‍ ആശംസകള്‍ അര്‍പ്പിച്ചു. സ്മാരകശില അനാച്ഛാദനം ഇരിങ്ങാലക്കുട രൂപത മുഖ്യ വികാരി ജനറാള്‍ റവ.ഡോ.ലാസര്‍ കുറ്റിക്കാടന്‍ നിർവ്വഹിച്ചു.

സി.എം.സി. സന്യാസീ, സന്യാസിനീ സമൂഹത്തിന്റെ സ്ഥാപകനായ വിശുദ്ധ കുര്യാക്കോസ് ഏലിയാസ് ചാവറ പിതാവിന്റെ നൂറ്റി അമ്പതാം ഓര്‍മ്മ ദിനത്തിന്റെ സ്മരണയിലാണ് ചാവറ ആരാമം പദ്ധതിയുടെ പൂർത്തീകരണം. ഉദ്‌ഘാടന പരിപാടിയിയ്ക്ക് സ്വാഗതം പ്രോവിന്‍ഷ്യല്‍ സുപ്പീരിയര്‍ സിസ്റ്റര്‍ വിമലയും, നന്ദി സാമൂഹിക വകുപ്പ് കൗണ്‍സിലര്‍ സിസ്റ്റര്‍ ലിസി പോളും നടത്തി. ചാവറ ആരാമം പദ്ധതി പൂവണിഞ്ഞന്റെ സന്തോഷത്തിലാണ് ഉദയ പ്രോവിൻസിലെ സി.എം.സി. സിസ്റ്റേഴ്സ്.

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker