Kerala
പുനലൂർ രൂപതയിൽ വി.യൗസേപ്പിതാ വർഷാചരണ സമാപന ആഘോഷം നടന്നു
സമാപന ആഘോഷം ശൂരനാട് സെന്റ് ജോസഫ് ഫെറോന ദേവാലയത്തിൽ വച്ച് നടന്നു...
![](https://i0.wp.com/www.catholicvox.com/wp-content/uploads/2021/12/Punalur-scaled.jpg?resize=780%2C470&ssl=1)
സ്വന്തം ലേഖകൻ
പുനലൂർ: വി.യൗസേപ്പിതാവിന്റെ വർഷാചരണ സമാപന ആഘോഷം ശൂരനാട് സെന്റ് ജോസഫ് ഫെറോന ദേവാലയത്തിൽ വച്ച് നടന്നു. പുനലൂർ രൂപതാ അധ്യക്ഷൻ അഭിവന്ദ്യ സെൽവിസ്റ്റർ പൊന്നുമുത്തൻ പിതാവിന്റെ മുഖ്യ കാർമികത്വത്തിൽ നടന്ന ബലിയർപ്പണത്തിൽ രൂപതയിലെ വൈദീകരും, സന്യസ്ഥരും, അൽമായ വിശ്വാസികളും പങ്കെടുത്തു. വി.യൗസേപ്പിതാവ് നീതിമാനും വിശ്വസ്തനുമായ പിതാവായിരുന്നുയെന്ന് ബിഷപ്പ് സെൽവിസ്റ്റർ പൊന്നുമുത്തൻ തന്റെ ആമുഖ സന്ദേശത്തിൽ ഓർമ്മപ്പെടുത്തി.
വി.യൗസേപ്പിതാവിന്റെ ഗുണങ്ങളെ ആസ്പദമാക്കി സെന്റ് അലോഷ്യസ് മൈനർ സെമിനാരി വൈസ് റെക്ടർ ഫാ.രാജു പൗലോസ് വചന വിചിന്തനം നടത്തി. ശുശ്രൂഷ മിനിസ്ട്രി കോഡിനേറ്റർ ഫാ.ബെനഡിക്ട് തേക്ക് വിള ഏവർക്കും നന്ദി രേഖപ്പെടുത്തി. സമാപന ആഘോഷം അനുഗ്രഹത്തിന്റെയും സന്തോഷത്തിന്റെയും കൂട്ടായ്മയായിരുന്നുവെന്ന് രൂപതാ പി.ആർ.ഓ. പറഞ്ഞു.