വിസിറ്റേഷൻ സന്യാസിനീ സഭാംഗം സിസ്റ്റർ മേരി അഗസ്റ്റ (അഗസ്റ്റാമ്മ) വിടവാങ്ങി
സംസ്കാരം 7/2/22-ന് വൈകുന്നേരം 3 മണിക്ക് ആലപ്പുഴ മൗണ്ട് കാർമ്മൽ കത്തീഡ്രൽ ദേവാലത്തിൽ...
![](https://i0.wp.com/www.catholicvox.com/wp-content/uploads/2022/02/RIP-scaled.jpg?resize=780%2C470&ssl=1)
ജോസ് മാർട്ടിൻ
ആലപ്പുഴ: വിസിറ്റേഷൻ സന്യാസിനീ സഭാംഗം സിസ്റ്റർ മേരി അഗസ്റ്റ നിര്യാതയായി, 87 വയസായിരുന്നു. ലൂർദ് ഹോസ്പിറ്റൽ ചികിത്സയിലായിരുന്നു. മൃതസംസ്കാരം 7/2/22-ന് വൈകുന്നേരം 3 മണിക്ക് ആലപ്പുഴ മൗണ്ട് കാർമ്മൽ കത്തീഡ്രൽ ദേവാലയ സിമിത്തേരിയിൽ നടക്കു.
വിസിറ്റേഷൻ സന്യാസിനീ സഭയുടെ വിവിധ മഠങ്ങളിൽ സുപ്പീരിയറായും, ജനറൽ കൗൺസിലറായും, ജൂനിയർ സിസ്റ്റേഴ്സിന്റെ മിസ്ട്രസായും സേവനമനുഷ്ഠിച്ചിട്ടുണ്ട്. അതോടൊപ്പം ആലപ്പുഴ രൂപതയിലെ ഹോളി ഫാമിലി എൽ.പി.സ്കൂൾ കുന്നുമ്മ, സെന്റ് ഫ്രാൻസിസ് അസീസി എൽ.പി.സ്കൂൾ അർത്തുങ്കൽ, സെന്റ് ആൻറണീസ് എൽ.പി.സ്കൂൾ സൗദി, മാനേജർ സെൻറ് ജോസഫ്സ് ഹൈസ്കൂൾ പുന്നപ്ര എന്നിവിടങ്ങളിൽ സേവനമനുഷ്ഠിച്ചിട്ടുണ്ട്.
12/6/1955-ൽ വിസിറ്റേഷൻ സന്യാസിനീ സഭാംഗമായ സിസ്റ്റർ 68 വർഷകാലത്തെ തന്റെ സന്ന്യാസ ജീവിതത്തിലുടനീളം സന്യാസ അനുഷ്ഠാനങ്ങളിലും മറ്റും പുലർത്തിയ കൃത്യനിഷ്ഠ സഹ സന്യാസിനികൾക്ക് പ്രചോദനവും മാതൃകയുമായിരുന്നുവെന്ന് സഭാവക്താവ് കാത്തലിക് വോക്സ്സിനോട് പറഞ്ഞു.
ആലപ്പുഴ കാട്ടൂർ ഇടവകാംഗമായ പീറ്റർ പേരേരയുടെയും, ഏർണസ്റ്റനായുടെയും ഒൻപതു മക്കളിൽ എട്ടാമത്തെ മകളായ സിസ്റ്റർ അഗസ്റ്റ ആലപ്പുഴ രൂപതയിലെ സീനിയർ വൈദികൻ ഫാ. മരിയൻ ജോസ് പേരേരയുടെ സഹോദരിയാണ്.