കര്ദ്ദിനാള് ജോര്ജ്ജ് ആലഞ്ചേരി റോമിലേക്ക്
പരിശുദ്ധ പിതാവുമായി സിനഡ് കുര്ബാനയെ സംബന്ധിച്ചുളള ചര്ച്ചകള് ഉണ്ടാകുമോ എന്ന് വ്യക്തമായിട്ടില്ല.
![](https://i0.wp.com/www.catholicvox.com/wp-content/uploads/2022/02/alencheri.jpg?resize=780%2C470&ssl=1)
സ്വന്തം ലേഖകന്
കൊച്ചി: സീറോമലബാര് സഭയുടെ മേജര് ആര്ച്ച് ബിഷപ് കര്ദ്ദിനാള് മാര് ജോര്ജ് ആലഞ്ചേരി ചൊവ്വാഴ്ച റോമിലേക്ക് യാത്ര തിരിക്കും. പൗരസ്ത്യ സഭകള്ക്കുവേണ്ടിയുള്ള വത്തിക്കാന് കാര്യാലയത്തിന്റെ പ്ലീനറി സമ്മേളനത്തില് പങ്കെടുക്കുന്നതിനാണ് കര്ദ്ദിനാള് റോമിലേക്ക് പോകുന്നത്.
2021 ഒക്ടോബര് മാസത്തില് നടത്താനിരുന്ന പ്ലീനറി കോവിഡ് പകര്ച്ചവ്യാധിയുടെ വ്യാപനംമൂലം 2022 ഫെബ്രുവരിയിലേക്ക് മാറ്റുകയായിരുന്നു. മുന്കൂട്ടി നിശ്ചയിച്ച വിഷയങ്ങളാണ് പ്ലീനറിയില് ചര്ച്ച ചെയ്യുന്നത്. സീറോ മലബാര്സഭയുടെ തലവനെന്ന നിലയിലും പൗരസ്ത്യസഭകള്ക്കായുള്ള കാര്യാലയത്തിലെ ഒരു അംഗമെന്ന നിലയിലുമാണ് കര്ദ്ദിനാള് മാര് ആലഞ്ചേരി പ്ലീനറി സമ്മേളനത്തില് പങ്കെടുക്കുന്നത്.
സമ്മേളനത്തിനുശേഷം ഫെബ്രുവരി അവസാന ആഴ്ച കര്ദ്ദിനാള് മടങ്ങിയെത്തുന്നതാണെന്ന് സഭാനേതൃത്വം അറിയിച്ചു.
പരിശുദ്ധ പിതാവുമായി സിനഡ് കുര്ബാനയെ സംബന്ധിച്ചുളള ചര്ച്ചകള് ഉണ്ടാകുമോ എന്ന് വ്യക്തമായിട്ടില്ല.