പത്താംങ്കല്ല്‌ തിരുഹൃദയ ദേവാലയ തിരുനാളിന് തുടക്കമായി
പത്താംങ്കല്ല്‌ തിരുഹൃദയ ദേവാലയ തിരുനാളിന് തുടക്കമായി
സ്വന്തം ലേഖകൻ
നെയ്യാറ്റിൻകര: പത്താങ്കല്ല്‌ തിരുഹൃദയ ദേവാലയ തിരുനാളിന് തുടക്കമായി. തിരുനാൾ കൊടിയേറ്റിനും തുടർന്ന്‌ നടന്ന പൊന്തിഫിക്കൽ ദിവ്യബലിക്കും നെയ്യാറ്റിൻകര രൂപതാ ബിഷപ് ഡോ. വിൻസെന്റ്‌ സാമുവൽ മുഖ്യ കാർമ്മികത്വം വഹിച്ചു.
തിരുനാൾ ദിനങ്ങളിൽ മോൺ. വി.പി. ജോസ്‌, ഫാ. വൽസലൻ ജോസ്‌, ഫാ. ബനഡിക്‌ട്‌, ഫാ. പ്രദീപ്‌ ആന്റോ, ഫാ. ജോയി മത്യാസ്‌, ഫാ. സാബു വർഗ്ഗീസ്‌, ഫാ. ആൽബി , ഫാ. ക്രിസ്‌തുദാസ്‌ ഫിലിപ്‌, ഫാ. ബിനു വർഗ്ഗീസ്‌ തുടങ്ങിയവർ നേതൃത്വം നൽകും.
ജൂൺ 6 ശനിയാഴ്‌ച വൈകിട്ട്‌ ഫാ. ലോറൻസിന്റെ നേതൃത്വത്തിൽ സന്ധ്യാവന്ദനം. തുടർന്ന്‌, ആഘോഷമായ തിരുസ്വരൂപ പ്രദക്ഷിണം. ദേവാലയത്തിൽ നിന്ന്‌ ആരംഭിക്കുന്ന പ്രദക്ഷിണം മൂന്ന്‌കല്ലിമുട്‌, ഊരുട്ടുകാല കുരിശടിപളളി, കൊന്നമൂട്‌, കൊടങ്ങാവിള കുരിശടി, സെന്റ്‌ ജോർജ്ജ്‌ മലങ്കര ദേവാലയം, കൂട്ടപ്പന, നിംസ്‌ ആശുപത്രി ജംഗ്‌ഷൻ വഴി തിരികെ ദേവാലയത്തിൽ എത്തിച്ചേരും.
10 ഞായറാഴ്‌ച ആഘോഷമായ തിരുനാൾ സമാപന സമൂഹദിവ്യബലി – മുഖ്യ കാർമ്മികൻ മോൺ. വിൻസെന്റ്‌ കെ. പീറ്റർ, വചന സന്ദേശം ഫാ. റോബർട്ട്‌ വിൻസെന്റ്‌.
