സ്വന്തം ലേഖകൻ
ഉണ്ടൻകോട്‌: മണിവിള വിശുദ്ധ അന്തോണീസ്‌ കുരിശടി തിരുനാളിന് തുടക്കമായി 17-ന്‌ സമാപിക്കും. ശനി വൈകിട്ട്‌ പതാക പ്രയാണത്തോടെയാണ്‌ തിരുനാളിന് തുടക്കം കുറിച്ചത്‌.
ഇടവക വികാരി ഫാ. സജി തോമസ്‌ കൊടിയേറ്റി. വചനപ്രഘോഷകനായ ഫാ. ആന്റണി പയ്യപ്പളളിയുടെ നേതൃത്വത്തിൽ ശനിയാഴ്‌ച ആരംഭിച്ച ബൈബിൾ കൺവെൻഷൻ ഇന്ന്‌ (ബുധന്‍) വൈകിട്ട്‌ സമാപിക്കും.
നാളെ വൈകിട്ട്‌ 5.30-ന്‌ ആനപ്പാറ സലേഷ്യൻ ലാസലേറ്റ്‌ സുപ്പീരിയർ ഫാ. സണ്ണി പൂവത്തുങ്കലിന്റെ നേതൃത്വത്തിൽ സമൂഹ ദിവ്യബലി പാറശാല ഫൊറോന വികാരി ഫാ. ജോസഫ് അനിൽ വചന സന്ദേശം നൽകും.
വെളളി വൈകിട്ട്‌ നടക്കുന്ന ദിവബലിക്ക്‌ ഫാ. ഷാജി ഡി. സാവിയോ മുഖ്യ കാർമ്മികനാവും കാട്ടാക്കട ഫൊറോന വികാരി ഫാ. ജോസഫ് അഗസ്റ്റിൻ വചന സന്ദേശം നൽകും.
ശനിയാഴ്‌ച വൈകിട്ട്‌ നടക്കുന്ന ദിവ്യബലിക്ക്‌ വാഴിച്ചൽ ഇടവക വികാരി ഫാ. ഡെന്നിസ്‌ കുമാർ മുഖ്യ കാർമ്മികനാവും. ദിവ്യബലിയെ തുടർന്ന്‌ ആഘോഷമായ തിരുസ്വരൂപ പ്രദക്ഷിണം.
ഞായർ രാവിലെ 10-ന്‌ ആഘോഷമായ സമാപന സമൂഹ ദിവ്യബലി. മുഖ്യ കാർമ്മികൻ ഫാ. മെൽവിൻ, വചന സന്ദേശം ഫാ. ആഡ്രൂസ്‌ നൽകും.
