Kerala

ലത്തീന്‍ സമുദായദിനാഘോഷം ഡിസംബർ 9-ന് തിരുവനന്തപുരം ശംഖുമുഖത്ത്

ലത്തീന്‍ സമുദായദിനാഘോഷം ഡിസംബർ 9-ന് തിരുവനന്തപുരം ശംഖുമുഖത്ത്

സ്വന്തം ലേഖകൻ

എറണാകുളം: 2018-ലെ ലത്തീന്‍ സമുദായദിനാഘോഷങ്ങള്‍ക്ക് തിരുവനന്തപുരം അതിരൂപത ആതിഥേയത്വം വഹിക്കും. ലത്തീൻ സമുദായ വക്താവും കെ.ആര്‍.എല്‍.സി.സി. വൈസ് പ്രസിഡന്റുമായ ശ്രീ. ഷാജി ജോര്‍ജ്ജാണ് ഇക്കാര്യം ഔദ്യോഗികമായി അറിയിച്ചത്. വിശുദ്ധ ഫ്രാന്‍സിസ് സേവ്യറിന്റെ തിരുന്നാള്‍ കഴിഞ്ഞുവരുന്ന ഞായറാഴ്ചയാണ് കെ.ആര്‍.എല്‍.സി.സി. സമുദായദിനമായി ആഘോഷിക്കുന്നത്.

സമുദായദിനാഘോഷങ്ങള്‍ക്ക് മുന്നൊരുക്കമായി കേരളത്തിലെ 12 ലത്തീന്‍ കത്തോലിക്കാരൂപതകളിലും വിവിധ പരിപാടികള്‍ സംഘടിപ്പിക്കും.
പ്രളയകാലത്തെ ദുരിതാശ്വാസപ്രവര്‍ത്തനങ്ങളിലും തുടര്‍ന്നുള്ള നവകേരളസൃഷ്ടിയിലും നിര്‍ണായകപങ്കുവഹിച്ച ലത്തീന്‍ കത്തോലിക്കാസഭയും സമുദായവും സാഭിമാനം ഒരുമിച്ചുകൂടുന്നു എന്നതാണ് ഈ സമുദായ ദിനത്തിന്റെ വലിയ പ്രത്യേകത.

ഡിസംബര്‍ 9-ന് രാവിലെ 10 മണിക്ക് തിരുവനന്തപുരം ഓള്‍ സെയിന്റ്‌സ് കോളജിലാണ് പ്രതിനിധിസമ്മേളനം. അല്മായ കമ്മീഷന്‍, വനിതാ കമ്മീഷന്‍, യുവജന കമ്മീഷന്‍ എന്നിവരുടെ നേതൃത്വത്തില്‍ 12 രൂപതകളില്‍നിന്നുള്ള 1200 പ്രതിനിധികള്‍ മൂന്ന് സെമിനാറുകളില്‍ പങ്കെടുക്കും.

ഉച്ചകഴിഞ്ഞ് 2.30-ന് ദിവ്യബലിയും, വൈകുന്നേരം അഞ്ചുമണിക്ക് ശംഖുമുഖത്ത് പതിനായിരങ്ങള്‍ പങ്കെടുക്കുന്ന സമുദായ സമ്മേളനവും നടക്കും.

Show More

One Comment

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker