Diocese

ഭൂമിക്കു കുടവിരിച്ച് വചനബോധനത്തിനു തുടക്കം

ഭൂമിക്കു കുടവിരിച്ച് വചനബോധനത്തിനു തുടക്കം

സ്വന്തം ലേഖകന്‍

കുരിശുമല: തെക്കേ ഇന്ത്യയിലെ പ്രസിദ്ധ തീര്‍ത്ഥാടനകേന്ദ്രമായ കുരിശുമലയുടെ ഇടവക ദേവാലയത്തില്‍ വചനബോധനം പുതിയ അദ്ധ്യായന വര്‍ഷത്തിനു തുടക്കമായി. കുരിശുമല ഇടവക വികാരി ഫാ.രതീഷ് മാര്‍ക്കോസാണ് ഈയൊരു ആശയം ആദ്യമായി അവതരിപ്പിച്ചത്.

മുന്‍വര്‍ഷത്തെപ്പോലെ ഇക്കൊല്ലവും ഫലവൃക്ഷത്തൈ നട്ടുകൊണ്ടാണ് അധ്യായന വര്‍ഷം ആരംഭിച്ചത്. കുട്ടികളുടെ ഭൗതികവും ആത്മീയവും സാന്മാര്‍ഗ്ഗികവുമായ വളര്‍ച്ചയോടൊപ്പം പ്രകൃതിസ്നേഹവും പരസ്പര സാഹോദര്യവും കാലഘട്ടത്തിന്‍റെ അനിവാര്യതയാണെന്ന് അച്ചന്‍ സന്ദേശത്തില്‍ സൂചിപ്പിച്ചു. കുട്ടികളുടെ വിശേഷ ദിവസങ്ങള്‍ വൃക്ഷത്തൈകള്‍ നട്ടുകൊണ്ട് ആഘോഷിക്കുവാന്‍ അച്ചന്‍ ആഹ്വാനം ചെയ്തു.

ഈ അധ്യായന വര്‍ഷം പുതുതായി പ്രവേശനം നേടുന്ന കുട്ടികളെ തിരിനാളങ്ങളും, പൂക്കളും നല്‍കി സ്വീകരിച്ചു. വചനബോധന പ്രധാന അധ്യാപിക ശ്രീമതി ജയന്തി, മറ്റ് അധ്യാപകര്‍, വിവിധ സമിതികളുടെ കണ്‍വീനര്‍മാര്‍, വിദ്യാര്‍ത്ഥി വിദ്യാര്‍ത്ഥിനികള്‍ എന്നിവര്‍ നേതൃത്വം നല്‍കി.

Show More

Leave a Reply

Your email address will not be published.

Related Articles

Back to top button

Adblock Detected

Please consider supporting us by disabling your ad blocker