Diocese

ദൈവദാസന്‍ ഫാ.അദെയോദാത്തൂസ് ഓര്‍മ്മ തിരുനാള്‍

ദൈവദാസന്‍ ഫാ.അദെയോദാത്തൂസ് ഓര്‍മ്മ തിരുനാള്‍

അനിൽ ജോസഫ്‌

കാട്ടാക്കട: മുതിയാവിള വലിയച്ചന്‍ എന്നറിയപ്പെടുന്ന ദൈവദാസന്‍ ഫാ.അദെയോദാത്തൂസിന്റെ 51 ാം ഓര്‍മ്മ തിരുനാള്‍ ആഘോഷിച്ചു. ഫാ.അദെയോദാത്തൂസിന്റെ കര്‍മ്മമണ്ഡലമായിരുന്ന മുതിയാവിള സെന്‍റ് ആല്‍ബര്‍ട്ട്സ് ദേവാലയത്തില്‍ നടന്ന ചടങ്ങുകള്‍ക്ക് നെയ്യാറ്റിന്‍കര ബിഷപ്പ്‌ ഡോ.വിന്‍സെന്‍റ് സാമുവല്‍ മുഖ്യ കാര്‍മ്മികത്വം വഹിച്ചു.

മുതിയാവിളയിലെ ഫാ.അദെയോദാത്തൂസ് സ്മൃതി മണ്ഡപത്തില്‍ തിരിതെളിച്ച ബിഷപ് ആഘോഷമായ പൊന്തിഫിക്കല്‍ ദിവ്യബലിയില്‍ മുഖ്യകാര്‍മ്മികത്വം വഹിച്ചു. സാധാരണക്കാരന്റെ അപ്പോസ്തലനായാണ് ഫാ.അദെയോദാത്തൂസ് തന്റെ ജീവിതം പൂര്‍ത്തീകരിച്ചതെന്ന് ബിഷപ്പ്‌ പറഞ്ഞു.

വഴുതക്കാട് കാര്‍മ്മല്‍ഹില്‍ ആശ്രമം വൈസ് പ്രോസ്റ്റുലേറ്റര്‍ ഫാ.കുര്യന്‍ ആലുങ്കല്‍, ഇടവക വികാരി ഫാ.വല്‍സലന്‍ ജോസ് ഫാ.ബിനു വര്‍ഗ്ഗീസ് തുടങ്ങിയവര്‍ സഹകാര്‍മ്മികരായി. ആഘോഷങ്ങളുടെ ഭാഗമായി നെയ്യാറ്റിന്‍കര രൂപതയിലെ വിവിധ ഫൊറോനകളില്‍ വിശ്വാസ ദീപശിഖാപ്രയാണം സംഘടിപ്പിച്ചിരുന്നു.

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker