Diocese

പതിവ് തെറ്റിച്ചില്ല മാറനല്ലൂര്‍ ലിറ്റില്‍ ഫ്ളവര്‍ ഹോം അന്തേവാസികള്‍ക്കൊപ്പം ക്രിസ്മസ് ആഘോഷിച്ച് ബിഷപ്പ്‌ വിന്‍സെന്റ്‌ സാമുവല്‍

പതിവ് തെറ്റിച്ചില്ല മാറനല്ലൂര്‍ ലിറ്റില്‍ ഫ്ളവര്‍ ഹോം അന്തേവാസികള്‍ക്കൊപ്പം ക്രിസ്മസ് ആഘോഷിച്ച് ബിഷപ്പ്‌ വിന്‍സെന്റ്‌ സാമുവല്‍

അനിൽ ജോസഫ്‌

മാറനല്ലൂര്‍: എല്ലാ കൊല്ലത്തെയും പതിവ് തെറ്റിക്കാതെ മാറനല്ലൂര്‍ ലിറ്റില്‍വര്‍ ഹോമിലെ അന്തേവാസികള്‍ക്കൊപ്പം ക്രിസ്മസ് ആഘോഷിച്ച് നെയ്യാറ്റിന്‍കര ബിഷപ് ഡോ.വിന്‍സെന്റ്‌ സാമുവല്‍. എല്ലാ വര്‍ഷവും ക്രിസ്മസിന്റെ തലേനാളില്‍ മാറനല്ലൂരില്‍ ദീനസേവന സന്യാസിനികള്‍ നടത്തുന്ന അംഗപരിമിതരുടെ കേന്ദ്രത്തില്‍ ബിഷപ്പിന്റെ സന്ദര്‍ശനം പതിവാണ്.

ലോക രക്ഷകന്‍ പുല്‍ക്കൂട്ടില്‍ പിറന്നത് ബലഹീനര്‍ക്കും പാര്‍ശ്വവല്‍ക്കരിക്കപ്പെട്ടവര്‍ക്കും വേണ്ടിയാണെന്ന് ബിഷപ്പ്‌ സന്ദേശത്തില്‍ പറഞ്ഞു. ക്രിസ്മസ് കാരള്‍ ഗാനങ്ങള്‍ ആലപിച്ചാണ് അന്തേവാസികള്‍ ബിഷപ്പിനെ സ്വീകരിച്ചത്. കലാകാരികളായ റാണിയും മെര്‍ലിനും മഞ്ചുവും ബിഷപ്പിന് വേണ്ടി ക്രിസ്മസ് ഗാനങ്ങള്‍ നൃത്തരൂപത്തില്‍ അവതരിപ്പിച്ചു.

ഒരു മണിക്കൂറോളം ലിറ്റില്‍ ഫ്ളവര്‍ ഹോമില്‍ ചിലവഴിച്ച ബിഷപ്പ്‌ അന്തേവാസികള്‍ക്കും കന്യാസ്ത്രികള്‍ക്കുമൊപ്പം കേക്ക് മുറിച്ച് സന്തോഷം പങ്കുവച്ചാണ് ബിഷപ്പ്‌ മടങ്ങിയത്. മദര്‍ മലാനിയ ലിറ്റില്‍ഫ്ളവര്‍ ഹോംമിന്റെ ചാര്‍ജ്ജുളള സിസ്റ്റര്‍ ലേഖ എന്നിവര്‍ ആശംസകള്‍ അര്‍പ്പിച്ചു.

Show More

Leave a Reply

Your email address will not be published. Required fields are marked *

Related Articles

Back to top button
Close
Close

Adblock Detected

Please consider supporting us by disabling your ad blocker