Kerala

ഫാ.സ്റ്റാൻ സ്വാമിയുടെ അറസ്റ്റിൽ പ്രതിഷേധിച്ച് മതബോധന വിദ്യാർത്ഥികളുടെ പ്രതിഷേധ ജ്വാല

മറ്റ് കുട്ടികൾ സ്വഭവനങ്ങളിലായിരുന്നു കൊണ്ട് ഈ സമയത്ത് തന്നെ തിരികൾ തെളിച്ചുകൊണ്ട് പ്രതിഷേധ ജ്വാലയിൽ പങ്കുചേർന്നു...

സ്വന്തം ലേഖകൻ

ആലപ്പുഴ: ഫാ.സ്റ്റാൻ സ്വാമിയുടെ അറസ്റ്റിൽ പ്രതിഷേധിച്ച് മതബോധന വിദ്യാർത്ഥികളുടെ പ്രതിഷേധ ജ്വാല. ആലപ്പുഴ രൂപതയിലെ ചാത്തനാട് തിരുക്കുടുംബ ദേവാലയത്തിലെ പതിമൂന്നാം ക്ലാസ് മതബോധന വിദ്യാർത്ഥികളാണ് 13 ചൊവ്വാഴ്ച പ്രതിഷേധ ജ്വാല സംഘടിപ്പിച്ചത്.

ഫാ.സ്റ്റാൻ സ്വാമിയ്ക്ക് വേണ്ടി സമർപ്പിച്ച ജപമാല പ്രാർത്ഥനയ്ക്ക് ശേഷം ഇടവക വികാരി ഫാ.സെബാസ്റ്റ്യൻ ജൂഡോ മൂപ്പശേരി തിരി തെളിച്ച് പ്രതിഷേധ ജ്വാല ഉത്ഘാടനം ചെയ്തു. ഇപ്പോഴത്തെ കോവിഡ് സാഹചര്യത്തിൽ ഇടവകയിലെ പതിമൂന്നാം ക്ലാസ് മതബോധന വിദ്യാർത്ഥികൾക്കും അധ്യാപകർക്കും മാത്രമേ ദേവാലയത്തിൽ ഒത്തുചേരുവാൻ കഴിഞ്ഞിരുന്നുള്ളൂ. അതേസമയം മറ്റ് കുട്ടികൾ സ്വഭവനങ്ങളിലായിരുന്നു കൊണ്ട് ഈ സമയത്ത് തന്നെ തിരികൾ തെളിച്ചുകൊണ്ട് പ്രതിഷേധ ജ്വാലയിൽ പങ്കുചേർന്നു.

പതിമൂന്നാം ക്ലാസ് മതബോധന അധ്യാപകനായ ഷൈജു വർഗീസും, പ്രധാനാധ്യാപിക ജ്യോതി സോണിയുമായിരുന്നു പ്രതിഷേധ ജ്വാലയുടെ ക്രമീകരണങ്ങൾക്ക് നേതൃത്വം നൽകിയത്.

Show More

Leave a Reply

Your email address will not be published.

Related Articles

Back to top button

Adblock Detected

Please consider supporting us by disabling your ad blocker