Vatican

കലശലായ കാലുവേദന ഫ്രാൻസിസ് പാപ്പാ പുതുവത്സരനാളിലെ ദിവ്യബലിയർപ്പിച്ചില്ല

വെള്ളിയാഴ്ച മദ്ധ്യാഹ്നത്തിലെ ത്രികാല പ്രാര്‍ത്ഥന പാപ്പാ നയിക്കും...

ഫാ.വില്യം നെല്ലിക്കല്‍

വത്തിക്കാൻ സിറ്റി: കലശലായ കാലുവേദന (Sciatica) കാരണം ഫ്രാൻസിസ് പാപ്പായ്ക്ക് പുതുവത്സരനാളിലെ പൊതുദിവ്യബലിയർപ്പണം നടത്തുവാൻ സാധിക്കുന്നില്ല. വത്തിക്കാന്റെ പ്രസ്സ് ഓഫിസ് മേധാവി മത്തയോ ബ്രൂണി ഡിസംബര്‍ 31-ന് വൈകുന്നേരം നൽകിയ പ്രസ്താവനയിലൂടെയാണ് പാപ്പായുടെ ആരോഗ്യത്തെക്കുറിച്ച് കൃത്യമായ വിവരം നൽകിയത്.

ഇന്നലെ വര്‍ഷാന്ത്യ സായാഹ്ന പ്രാര്‍ത്ഥനയില്‍ പാപ്പാ പങ്കെടുത്തില്ല. കര്‍ദ്ദിനാളുമാരുടെ തലവൻ കര്‍ദ്ദിനാള്‍ ജിയോവാന്നി ബാറ്റിസ്റ്റയായിരുന്നു തിരുക്കർമ്മങ്ങൾക്ക് നേതൃത്വം നല്‍കിയത്.

അതുപോലെ ഇന്ന്, പുതുവത്സരനാളിലെ ദിവ്യബലി അര്‍പ്പിച്ചത് വത്തിക്കാന്‍ സ്റ്റേറ്റ് സെക്രട്ടറി, കര്‍ദ്ദിനാള്‍ പിയെത്രോ പരോളിന്‍ ആയിരുന്നു.

വെള്ളിയാഴ്ച മദ്ധ്യാഹ്നം 12-ന്, ഇന്ത്യയിലെ സമയം 4.30-നുള്ള ത്രികാലപ്രാര്‍ത്ഥനയിൽ പാപ്പാ നേതൃത്വം നൽകും, സന്ദേശവും അപ്പസ്തോലിക ആശീര്‍വ്വാദവും നൽകും.

കാത്തലിക് വോക്സിന്റെ വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക

Click to join Catholiocvox Whatsapp group

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker