കെ.സി.വൈ.എം. കൊച്ചി രൂപതയുടെ അംഗത്വ മാസാചരണത്തിന് തുടക്കം കുറിച്ചു

ജോസ് മാർട്ടിൻ

കൊച്ചി: കെ.സി.വൈ.എം. കൊച്ചി രൂപത നവംബർ മാസം അംഗത്വ മാസമായി ആചരിക്കുന്നത്തിന്റെ രൂപതാതല ഉദ്ഘാടനം അരൂർ എം.എൽ.എ. ശ്രീമതി ദലീമ ജോജോ നിർവഹിച്ചു. യുവജനങ്ങളുടെ നന്മയെ വളർത്തുവാൻ തയ്യാറാവണമെന്ന് എം.എൽ.എ. തന്റെ അധ്യക്ഷ പ്രസംഗത്തിൽ പറഞ്ഞു.

രൂപതാ പ്രസിഡന്റ് കാസി പൂപ്പനയുടെ അധ്യക്ഷതയിൽ അരൂക്കുറ്റി സെന്റ് ആന്റണീസ് ദേവാലയത്തിൽ വച്ച് നടന്ന ചടങ്ങിൽ ജോയി സെബാസ്റ്റ്യൻ (CEO TECGENTSIA) മുഖ്യാതിഥിയായിരുന്നു. സ്വയം നവീകരിക്കുക കാലത്തിനൊപ്പം മാറുക എന്ന ആഹ്വാനമാണ് ജോയി സെബാസ്റ്റ്യൻ നൽകിയത്.

ജനറൽ സെക്രട്ടറി ജെയ്ജിൻ ജോയ്, ഇടവക വികാരി ഫാ.ആന്റണി കുഴുവേലി, രൂപതാ ഡയറക്ടർ ഫാ.മെൽറ്റസ് ചാക്കോ, ഫാ.സനീഷ് പുള്ളിക്കപറമ്പിൽ, കെ.എൽ.സി.എ. സംസ്ഥാന വൈസ് പ്രസിഡന്റ് ടി.എ.ഡാൽഫിൻ, ജോളി പാവേലി, സെൽജൻ കുറുപ്പശേരി, ജിജോ സേവ്യർ, ക്ലിന്റൺ ഫ്രാൻസിസ്, അലീഷ ട്രീസ, ടിഫി ഫ്രാൻസിസ് എന്നിവർ പ്രസംഗിച്ചു.

കെ.സി.വൈ.എം.പ്രസ്ഥാനത്തെ അറിയുവാൻ പഠനക്ലാസുകളും സെമിനാറുകളും സംഘടിപ്പിക്കുമെന്ന് രൂപതാ പ്രസിഡന്റ് കാസി പൂപ്പന കാത്തലിക് വോക്സ്സിനോട്‌ പറഞ്ഞു.