Kerala

പളളിമേടയില്‍ അതിക്രം വാതിലുകള്‍ തകര്‍ത്ത് പണം അപഹരിച്ചു.

2 ലക്ഷം രൂപയും ഇടവക വികാരിയടെ മെബൈല്‍ ഫോണും നഷ്ടപെട്ടു.

അനില്‍ ജോസഫ്

തിരുവനന്തപുരം (വെളളറട) : നെയ്യാറ്റിന്‍കര രൂപതക്ക് കീഴിലെ കിളിയുര്‍ ഉണ്ണിമിശീഖാ ദേവാലയത്തിലെ പളളിമേടയുടെ വാതിലുകള്‍ തകര്‍ത്ത് പട്ടാപകല്‍ മോഷണം.

പളളിയുടെ നിര്‍മ്മാണ പ്രവര്‍ത്തനങ്ങള്‍ക്കായി ഇടവക വികാരി അലമാരയില്‍ സൂക്ഷിച്ചിരുന്ന 2 ലക്ഷം രൂപയും ഇടവക വികാരിയടെ മെബൈല്‍ ഫോണും നഷ്ടപെട്ടു. ഇന്നലെ വൈകിട്ട് 3 നും 4 നും ഇടക്കാണ് മോഷണം നടന്നത്. പളളിവികാരി ഫാ. എം കെ ക്രിസ്തുദാസ് തൊട്ടടുത്ത് വൈദ്യശാലയില്‍ മരുന്നിനായി പോയ തക്കം നോക്കിയാണ് മോഷണം നടന്നിരിക്കുന്നത്.

പളളിമേടയുടെ പുറക് വശത്തെ വാതില്‍ തകര്‍ത്ത് ഉളളില്‍ കടന്ന കളളല്‍ പളളിവികാരിയുടെ മുറിയുടെ കതകും തകര്‍ത്താണ് മുറിക്കുളളില്‍ കടന്നിരിക്കുന്നത്.

അലമാരയില്‍ സൂക്ഷിച്ചിരുന്ന പണം മുഴുവന്‍ കളളന്‍ മോഷ്ടിക്കുകയായിരുന്നു. കിളിയുര്‍ ഉണ്ണിമിശിഖാ ദേവാലയത്തിന്‍റെയും ഉപഇടവകയായ കളളിമൂട് വിന്‍സെന്‍റ് മേരി ദേവാലയത്തിന്‍റെയും നിര്‍മ്മാണ പ്രവര്‍ത്തനവുമായി ബന്ധപ്പെട്ട് കഴിഞ്ഞ ദിവസം ബാങ്കില്‍ നിന്ന് പിന്‍വലിച്ച ഒന്നരലക്ഷം രൂപയും അമ്പതിനായിരത്തോളം രൂപയുടെ കാണിക്കയുമാണ് കവര്‍ന്നിരിക്കുന്നത്.

അതേസമയം വൈദികന്‍ പളളിയില്‍ നിന്ന് പുറത്തേക്ക് പോകുമ്പോള്‍ അപരിചിതനായ ഒരു യുവാവ് പളളിയിലേക്ക് പോകുന്നത് കണ്ടെന്നും. പളളിയുടെ സെമിത്തേരിയില്‍ തിരിതെളിക്കാന്‍ വന്നവരായിരിക്കും എന്ന് കരുതി കൂടുതല്‍ ശ്രദ്ധിച്ചില്ലെന്നും വൈദികന്‍ പറഞ്ഞു. വെളളറട പൊലീസ് അന്വേഷണം ആരംഭിച്ചു.

Show More

Leave a Reply

Your email address will not be published.

Related Articles

Back to top button
Close
Close

Adblock Detected

Please consider supporting us by disabling your ad blocker