Kerala

ആലപ്പുഴയുടെ മുൻഇടയൻ സ്റ്റീഫൻ അത്തിപ്പൊഴിയിൽ പിതാവിന്റെ ചിത്രത്തിന് മുമ്പിൽ പ്രാർത്ഥനാ നിരതനായി കർദിനാൾ മാർ ജോർജ് ആലഞ്ചേരി

അഭിവന്ദ്യപിതാവ് നല്കിയ നല്ല മാതൃകകള്‍ നമുക്ക് എന്നും പ്രചോദനമാണ്...

ജോസ് മാർട്ടിൻ

ആലപ്പുഴ: ആലപ്പുഴ രൂപതയുടെ ഭദ്രാസന ദേവാലയമായ ഔർ ലേഡി ഓഫ് മൗണ്ട് കാർമ്മൽ കത്തീഡ്രലിൽ ആദരാഞ്ജലികൾ അർപ്പിക്കാൻ ഒരുക്കിയിരിക്കുന്ന കാലംചെയ്ത മുൻ ആലപ്പുഴ രൂപതാദ്ധ്യക്ഷൻ സ്റ്റീഫൻ അത്തിപ്പൊഴിയിൽ പിതാവിന്റെ ചിത്രത്തിന് മുമ്പിൽ പ്രാർത്ഥനകൾ അർപ്പിച്ച് കർദിനാൾ മാർ ജോർജ് ആലഞ്ചേരി.

അഭിവന്ദ്യപിതാവിന്റെ ദേഹവിയോഗം നമുക്ക് ദുഃഖത്തിന് കാരണമാകുന്നുവെങ്കിലും അഭിവന്ദ്യപിതാവ് നല്കിയ നല്ല മാതൃകകള്‍ നമുക്ക് എന്നും പ്രചോദനമാണെന്ന് കർദിനാൾ പറഞ്ഞു. പ്രത്യേകിച്ചും പാവപ്പെട്ടവര്‍ക്കുവേണ്ടി പ്രവര്‍ത്തിക്കുന്ന വൈദികര്‍ക്കും സമര്‍പ്പിതര്‍ക്കും അനുകരിക്കാവുന്ന മാതൃകയും വ്യക്തിത്വവുമാണ് സ്റ്റീഫന്‍ പിതാവെന്നും കൂട്ടിച്ചേർക്കുകയും ആലപ്പുഴ രൂപതയുടെ ദുഃഖത്തില്‍ പങ്കുചേരുന്നുവെന്നും കർദിനാൾ പറഞ്ഞു.

കർദിനാളിനോടൊപ്പം ചങ്ങനാശ്ശേരി അതിരൂപതാ ആർച്ച് ബിഷപ്പ് മാർ ജോസഫ് പെരുന്തോട്ടം, ആലപ്പുഴ രൂപതാധ്യക്ഷൻ ഡോ. ജെയിംസ് ആനാപറമ്പിൽ, വികാരി ജനറൽ മോൺ. ജോയ് പുത്തൻവീട്ടിൽ, രൂപതാ ജുഡീഷ്യൽ വികാരി ഫാ.യേശുദാസ് കാട്ടുങ്ങൽതയ്യിൽ, ബി.സി.സി. ഡയറക്ടർ ഫാ. ജോൺസൺ പുത്തൻവീട്ടിൽ തുടങ്ങിയവരും പ്രാർത്ഥനാ ശുശ്രൂഷയിൽ പങ്കെടുത്തു.

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker