Diocese

ലാറ്റിൻ കാത്തലിക്‌ വിമണ് അസോസിയേഷൻ പ്രവർ ത്തകർക്കും കന്യാസ്‌ത്രീകൾക്കും നേരെയുളള പോലീസ്‌ അതിക്രമം നെയ്യാറ്റിൻകര രൂപതയിലെ പ്രതിഷേധം ഇരമ്പി

ലാറ്റിൻ കാത്തലിക്‌ വിമണ് അസോസിയേഷൻ പ്രവർ ത്തകർക്കും കന്യാസ്‌ത്രീകൾക്കും നേരെയുളള പോലീസ്‌ അതിക്രമം നെയ്യാറ്റിൻകര രൂപതയിലെ പ്രതിഷേധം ഇരമ്പി

നെയ്യാറ്റിൻകര: കുരിശ്‌ സത്യാഗ്രഹത്തിൽ  പങ്കെടുത്ത വിശ്വാസികളെയും കന്യാസ്‌ത്രീകളെയും അകാരണമായി മർദിക്കുകയും വിതുര വിസിറ്റേഷൻ  സന്യാസസഭയിലെ സിസ്റ്റർ  മേബിളിന്റെ ശിരോവസ്‌ത്രം വലിച്ചെറിയുകയും ചെയ്യ്‌ത പോലീസ്‌ നടപടിയിൽ പ്രതിഷേധിച്ച്‌ നെയ്യാറ്റിൻകരയിൽ  പ്രതിഷേധം നടന്നു.

നെയ്യാറ്റിൻകര ഫൊറോന കെ.എൽ.സി.എ. കെ.സി.വൈ.എം. തുടങ്ങിയ സംഘടനകളുടെ നേതൃത്വത്തിലായിരുന്നു പ്രതിഷേധം. അമലോത്‌ഭവമാതാ കത്തീഡ്രൽ  ദേവാലയത്തിൽ  നിന്നാരംഭിച്ച പ്രതിഷേധം നെയ്യാറ്റിൻകര റീജിയൻ കോ-ഓഡിനേറ്റർ മോൺസിഞ്ഞോർ.വി.പി. ജോസ്‌ ഉദ്‌ഘാടനം ചെയ്യ്‌തു. കെസിവൈഎം രൂപതാ ഡയറക്‌ടര്‍ ഫാ. ബിനു, രൂപതാ പ്രൊക്കുറേറ്റർ ഫാ. റോബിന്‍ സി. പീറ്റർ  തുടങ്ങിയവർ നേതൃത്വം നൽകി.

പോലീസ്‌ അതിക്രമം കാട്ടാക്കടയിലും പ്രതിഷേധം
കാട്ടാക്കട: വനം മന്ത്രി കെ. രാജുവിന്റെ വസതിയിലേക്ക്‌ ലാറ്റിൻ  കാത്തലിക്‌ വിമണ്‍ അസോസിയേഷൻ  നടത്തിയ മാർച്ചിനിടെ കന്യാസ്‌ത്രികൾക്കും സ്‌ത്രീകൾക്കും നേരെയുണ്ടായ പോലീസ്‌ അതിക്രമത്തിൽ  നെയ്യാറ്റിൻകര രൂപതയിലെ കാട്ടാക്കട, കട്ടയ്‌ക്കോട്‌ ഫൊറോനകൾ പ്രതിഷേധിച്ചു. വിസിറ്റേഷൻ സന്യാസ സഭയിലെ കന്യാസ്‌ത്രീയുടെ ശിരോ വസ്‌ത്രം പോലീസ്‌ വലിച്ചെറിഞ്ഞത്‌ വിശ്വാസത്തിനേറ്റ മുറിവാണെന്ന്‌ പ്രതിഷേധം ഉദ്‌ഘാടനം ചെയ്ത രൂപതാ കോർപ്പറേറ്റ്‌ മാനേജർ  ഫാ. ജോസഫ്‌ അനിൽ പറഞ്ഞു. ഫാ. രാജേഷ്‌ കുറിച്ചിയിൽ, ഫാ. അലോഷ്യസ്‌ സത്യനേശൻ, ഫാ. അജി അലോഷ്യസ്‌, ഷിബു തോമസ്‌, പ്രിൻസ്‌ തുടങ്ങിയവർ പ്രസംഗിച്ചു.

നെടുമങ്ങാട്ടിൽ പ്രതിഷേധം ഇരമ്പി
നെടുമങ്ങാട്‌: കുരിശ്‌ സത്യാഗ്രഹത്തിൽ പങ്കെടുത്ത വിശ്വാസികളെയും കന്യാസ്‌ത്രീകളെയും അകാരണമായി മർദിച്ചതിൽ പ്രതിഷേധിച്ച്‌ നെടുമങ്ങാട്ടിൽ പ്രതിഷേധം നടന്നു. പ്രതിഷേധ മാർച്ചിൽ കുരിശുമല സംരക്ഷണ സമിതി നെടുമങ്ങാട്‌ മേഖലാ കൺവീനർ ബിജു. ജി, ദേവദാസ്‌, മോഹനന്‍, ശോഭന്‍, ഏലിയാപുരം സത്യൻ  തുടങ്ങിയവർ പ്രസംഗിച്ചു

പാറശാല 

വിതുര

കളളിക്കാട്‌

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker