Kerala

ചിന്തകളും പ്രവൃത്തികളും ദൈവസ്നേഹത്തിന്റെ അടിസ്ഥാനത്തിലാകണം’; ബിഷപ്പ് വിൻസെന്റ് സാമുവൽ

ചിന്തകളും പ്രവൃത്തികളും ദൈവസ്നേഹത്തിന്റെ അടിസ്ഥാനത്തിലാകണം'; ബിഷപ്പ് വിൻസെന്റ് സാമുവൽ

വെള്ളറട: ചിന്തകളും പ്രവൃത്തികളും ദൈവസ്നേഹത്തിന്റെ അടിസ്ഥാനത്തിലാകണം’ എന്ന് ബിഷപ്പ് വിൻസെന്റ് സാമുവൽ. കത്തോലിക്കാ കോൺഗ്രസ് ചങ്ങനാശേരി അതിരൂപതാ ശതാബ്ദി സമാപന ജ്വാലാ പ്രയാണം അമ്പൂരി സെന്റ് ജോൺസ് ഫൊറോനാ പള്ളിയിൽ ഉദ്ഘാടനംചെയ്തു സംസാരിക്കുകയായിരുന്നു നെയ്യാറ്റിൻകര രൂപതാ മെത്രാൻ ഡോ. വിൻസന്റ് സാമുവൽ. സഭാ മക്കൾ ക്രിസ്തുദേവന്റെ സ്നേഹ–ത്യാഗ ചൈതന്യം ഉൾക്കൊണ്ട് ജീവിക്കണം എന്ന് ബിഷപ് ആഹ്വാനം ചെയ്തു.

സഭയെയും സഭാജീവിതത്തെയും തള്ളിപ്പറയുന്ന വിശ്വാസ സമൂഹം വെല്ലുവിളി ഉയർത്തുന്നുണ്ടെന്നും കാലഘട്ടത്തിനനുസരിച്ചു ചിന്താഗതികളും പ്രവർത്തനങ്ങളും രൂപപ്പെടുത്തി പ്രാർഥനാ ചൈതന്യത്തോടെ വ്യാപരിക്കണമെന്നും അദ്ദേഹം ഓർമിപ്പിച്ചു.

അതിരൂപതാ ഡയറക്ടർ ഫാ. ജോസ് മുകളേൽ, ഫൊറോനാ വികാരി ജോസഫ് ചൂളപ്പറമ്പിൽ, ജനറൽസെക്രട്ടറി രാജേഷ്ജോൺ, പി.വി.ജോസഫ്, സൈബി അക്കര, ജോയിപാറപ്പുറം, ടോം കയ്യാലകം, ജോസ്ജോൺ വെങ്ങാന്തറ, ജോസ് പാലത്തിനാൽ, ടോണി ജെ.കോയിത്തറ, ബിജു സെബാസ്റ്റ്യൻ, ജോൺ നൈനാൻ പാലാക്കുന്നേൽ, പി.എസ്.നൈനാൻ, റോയിവർഗീസ് തടിക്കാട്ട്, രാജു പൈനാപ്പിൾ എന്നിവർ പ്രസംഗിച്ചു.

തിരുവനന്തപുരം കൊല്ലം ഫൊറോനകളിൽ പര്യടനം നടത്തുന്ന പ്രയാണം ആയൂർ ക്രിസ്തുരാജ പള്ളിയങ്കണത്തിൽ മതസൗഹാർദ സമ്മേളനത്തോടെ ഇന്നലെ സമാപിച്ചു.

ഇന്ന് ആലപ്പുഴയിൽ ആരംഭിച്ചു ചമ്പക്കുളം, എടത്വാ, പുളിങ്കുന്ന് ഫൊറോനകളിലൂടെ പ്രയാണം തുടരും.

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker