വത്തിക്കാൻ സിറ്റി: പോൾ ആറാമൻ പാപ്പായെയും എൽസാൽവഡോറിലെ ആർച്ച്ബിഷപ്പായിരുന്ന ഓസ്കർ റൊമേറോയെയും വിശുദ്ധരായി നാമകരണം ചെയ്യുന്നതിനുള്ള അവസാന അംഗീകാരം നൽകുന്നതിനുള്ള കൺസിസ്റ്ററി 19-നു നടക്കും.
റോമിലുള്ള കർദിനാൾമാർ പാപ്പായുടെ നേതൃത്വത്തിൽ സമ്മേളിക്കുന്ന സാധാരണ പൊതു കൺസിസ്റ്ററിയാണത്. ഇതിനുശേഷമാണു നാമകരണ തീയതി പ്രഖ്യാപിക്കുക. മറ്റു നാലു വാഴ്ത്തപ്പെട്ടവരുടെ നാമകരണ കാര്യവും അന്നു തീരുമാനിക്കും.
ഇൻസ്റ്റിറ്റ്യൂട്ട് ഓഫ് സിസ്റ്റേഴ്സ് അഡോറേഴ്സ് ഓഫ് ദ ബ്ലെസഡ് സാക്രമെന്‍റ് സ്ഥാപിച്ച ‘ഫാ. ഫ്രഞ്ചെസ്കോ സ്പിനെല്ലി’, ‘ഫാ. വിൻചെൻസോ റൊമാനോ’, പുവർ ഹാൻഡ്മെയ്ഡ്സ് ഓഫ് ജീസസ് ക്രൈസ്റ്റ് സ്ഥാപക ‘മരിയ കാതറിന കാസ്പർ’, മിഷനറീസ് ഓഫ് ദ ക്രൂസേഡ് സ്ഥാപക ‘നസാറിയ ഓഫ് സെന്‍റ് തെരേസ ഓഫ് ജീസസ്’ എന്നിവരാണവർ.
