സമൂഹത്തിന്റെ പുരോഗതിക്കും വളര്‍ച്ചക്കും യുവാക്കളുടെ പ്രവര്‍ത്തനം അനിവാര്യം; ബിഷപ് ഡോ.വിന്‍സെന്റ്‌ സാമുവല്‍
സമൂഹത്തിന്റെ പുരോഗതിക്കും വളര്‍ച്ചക്കും യുവാക്കളുടെ പ്രവര്‍ത്തനം അനിവാര്യം; ബിഷപ് ഡോ.വിന്‍സെന്റ്‌ സാമുവല്‍
അനിൽ ജോസഫ്
ആര്യനാട്‌: സമൂഹത്തിന്റെ പുരോഗതിക്കും വളര്‍ച്ചക്കും മാനുഷിക മൂല്യങ്ങളുടെ ശാക്‌തീകരണത്തിനും യുവാക്കളുടെ പ്രവര്‍ത്തനം അനിവാര്യമെന്ന്‌ നെയ്യാറ്റിന്‍കര ബിഷപ് ഡോ.വിന്‍സെന്റ്‌ സാമുവല്‍. ആര്യനാട്‌ ഫൊറോന ലാറ്റിന്‍ കാത്തലിക്‌ യൂത്ത്‌ മൂവ്‌മെന്റ്‌ സംഘടിപ്പിച്ച “കൈത്താങ്ങ്‌ 2018” പരിപാടി ഉദ്‌ഘാടനം ചെയ്യുകയായിരുന്നു ബിഷപ്.
സുവിശേഷത്തിലധിഷ്‌ടിതമായ ജീവിതം യുവാക്കള്‍ പരിശീലിക്കണം. രാജ്യത്തിന്റെ പുരോഗതിക്കും രാജ്യത്തിന്റെ വികസനത്തിനും യുവാക്കളുടെ പ്രവര്‍ത്തനം അനിവാര്യമാണെന്നും ബിഷപ് പറഞ്ഞു. എല്‍.സി.വൈ.എം. ഫൊറോന പ്രസിഡന്റ്‌ റിജു. വി. യോഗത്തിന് അധ്യക്ഷത വഹിച്ചു. പഠനോപകരണങ്ങളുടെ വിതരണം കെ.എസ്‌.ശബരിനാഥന്‍ എംഎല്‍എ നിര്‍വ്വഹിച്ചു.
നെടുമങ്ങാട്‌ റീജിയന്‍ കോ ഓഡിനേറ്റര്‍ റൂഫസ്‌ പയസ്‌ലിന്‍, എല്‍.സി.വൈ.എം. രൂപതാ ഡയറക്‌ടര്‍ ഫാ.ബിനു.ടി, ആര്യനാട്‌ ഫൊറോന ഡയറക്‌ടര്‍ ഫാ.അനീഷ്‌ ആല്‍ബര്‍ട്ട്‌, ജിതിന്‍ എസ്‌.പി., ശാലിനി സി.എം. രജിന്‍ തുടങ്ങിയവര്‍ പ്രസംഗിച്ചു.
യോഗത്തിൽ ഡെയ്‌ൽവ്യൂ ഡയറക്‌ടര്‍ ക്രിസ്‌തുദാസ്സ്‌, ബീനാദാസ്‌ എന്നിവരെ ആദരിച്ചു.
