Diocese

സൗഹൃദ ക്രിക്കറ്റ് മത്സരവുമായി കെ.എൽ.സി.എ – എൽ.സി.വൈ.എം തുമ്പോട്ടുകോണം യൂണിറ്റ്

സൗഹൃദ ക്രിക്കറ്റ് മത്സരവുമായി കെ.എൽ.സി.എ - എൽ.സി.വൈ.എം തുമ്പോട്ടുകോണം യൂണിറ്റ്

ബിജിൻ തുമ്പോട്ടുകോണം

ബാലരാമപുരം: ഇടവകയിലെ കൂട്ടായ്മ ശക്തിപ്പെടുത്തുന്നതിന്റെ ഭാഗമായി തുമ്പോട്ടുകോണം തിരുകുടുംബ ദൈവാലയത്തിലെ കെ.എൽ.സി.എ – എൽ.സി.വൈ.എം യൂണിറ്റുകൾ തമ്മിൽ ‘ഹോളി ഫാമിലി ക്രിക്കറ്റ് ലീഗ്’ എന്ന പേരിൽ സൗഹൃദ ക്രിക്കറ്റ് ടൂർണമെന്റ് നടത്തി. മത്സരത്തിൽ തുമ്പോട്ടുകോണം എൽ.സി.വൈ.എം യൂണിറ്റ് 4-1 -ന് പരമ്പര സ്വന്തമാക്കി.

ഇടവക വികാരി ഫാ.വർഗീസ് പുതുപ്പറമ്പിൽ ഇരു ടീമുകളുടേയും ക്യാപ്റ്റൻമാരുടെ സാന്നിദ്ധ്യത്തിൽ ദൈവാലയ അങ്കണത്തിൽ വച്ച് ടോസ് ചെയ്താണ് ‘ഹോളി ഫാമിലി ക്രിക്കറ്റ് ലീഗ്’ സൗഹൃദ ക്രിക്കറ്റ് ടൂർണമെന്റിന്റെ ഉദ്ഘാടനം നിർവഹിച്ചത്. തുടർന്ന്, അഞ്ച് മത്സരങ്ങൾ കാഞ്ഞിരംകുളം പി.കെ.എസ്.എച്ച്.എസ്.എസ് ഗ്രൗണ്ടിൽ വച്ച് നടന്നു. എൽ.സി.വൈ.എം രൂപത പ്രസിഡന്റ് ശ്രീ.അരുൺ തോമസ് മത്സരത്തിന്റെ വിശിഷ്ടാഥിതിയായെത്തിയിരുന്നു.

വിജയികൾക്ക് ‘ജാനകി- സെൽവാനോസ് മെമ്മോറിയൽ എവറോളിംഗ് ട്രോഫി’യും ‘തമ്പി ഉപദേശി മെമ്മോറിയൽ ക്യാഷ് അവാർഡും’, റണ്ണേഴ്സ് അപ്പിന് ‘നടേശൻ മെമ്മോറിയൽ എവറോളിംഗ് ട്രോഫിയും’ ‘ജോൺസൺ നാടാർ മെമ്മോറിയൽ ക്യാഷ് അവാർഡും’ ഇടവക വികാരി സമ്മാനിച്ചു. കൂടാതെ മാൻ ഓഫ് ദ് സീരിയസ്, ബെസ്റ്റ് പ്ലേയർ, ബെസ്റ്റ് സിക്സ്, ബെസ്റ്റ് ബാറ്റ്സ്മാൻ, ബെസ്റ്റ് ബൗളർ, ബെസ്റ്റ് ക്യാച്ച് എന്നിവയ്ക്കുള്ള സമ്മാനങ്ങളും നൽകി.

അടുത്ത മത്സരം ഡിസംബർ 9 -ന് നടക്കും.

Show More

Leave a Reply

Your email address will not be published. Required fields are marked *

Related Articles

Back to top button
Close
Close

Adblock Detected

Please consider supporting us by disabling your ad blocker