Vatican

ഒളിമ്പിക്സിൽ പങ്കെടുക്കാനൊരുങ്ങി വത്തിക്കാൻ

ഒളിമ്പിക്സിൽ പങ്കെടുക്കാനൊരുങ്ങി വത്തിക്കാൻ

സ്വന്തം ലേഖകൻ

വത്തിക്കാന്‍ സിറ്റി: ഒളിമ്പിക്സിലേക്കുള്ള കാൽവെയ്പ്പിനായുള്ള ഒരുക്കത്തിലാണ് വത്തിക്കാൻ. വത്തിക്കാന്റെ ഒളിമ്പിക്ക് ടീമില്‍ പങ്കെടുക്കാൻ അത്‌ലെറ്റുകളായ പ്രതിനിധികൾക്ക് പുറമെ പുരോഹിതന്മാരും കന്യാസ്ത്രീളും സ്വിസ് ഗാര്‍ഡുകളുമുണ്ട്. പുരോഹിതരാകും ടീമിനെ നയിക്കുക.

സിസ്റ്റർ മേരി തിയോയുടെ, തന്റെ സഭാവസ്ത്രം പോലും മാറ്റാതെ പരിശീലനം ചെയ്യുന്ന ചിത്രങ്ങൾ ഇതിനോടകം തന്നെ സാമൂഹ്യ മാധ്യമങ്ങളിൽ വൈറലായിട്ടുണ്ട്. കന്യാസ്ത്രീകളും പുരോഹിതരും സ്വസ് ഗാര്‍ഡുകളും അണിനിരക്കുന്ന ടീമില്‍ 60 പേരാണ് ഉണ്ടാവുക. 19 വയസുള്ള സ്വിസ് ഗാര്‍ഡ് മുതല്‍ 62 വയസുള്ള പ്രഫസര്‍ വരെ ടീമിലെ അംഗങ്ങളായുണ്ടെന്നാണ് റിപ്പോര്‍ട്ടുകള്‍. ഇറ്റാലിയൻ ഒളിമ്പിക്സ് കമ്മിറ്റിയുമായി ഇതുസംബന്ധിച്ച് കരാര്‍ ഒപ്പിട്ടതായി വത്തിക്കാന്‍ സ്ഥിതീകരിച്ചു.

‘ഒളിമ്പിക് ഇപ്പോള്‍ ഒരു സ്വപ്ന’മാണെന്നാണ് ഇതേ കുറിച്ചുള്ള ചോദ്യത്തിന് ഫാ.മെൽചർ സാഞ്ചസ് ഡി ടോഗ പറഞ്ഞത്. ഒളിമ്പിക്സിലാണ് ഇപ്പോള്‍ പങ്കെടുക്കുന്നതെങ്കിലും ഭാവിയില്‍ മറ്റ് അന്തര്‍ദേശീയ മത്സരങ്ങളിലും, യൂറോപ്പില്‍ നടക്കുന്ന മറ്റ് കായീക മത്സരങ്ങളിലും സാന്നിധ്യമറിയിക്കാനാണ് വത്തിക്കാന്റെ തീരുമാനം.

ടീമംഗങ്ങള്‍ക്ക് വത്തിക്കാന്റെ പേപ്പൽ ഫ്ലാഗിന്റെ നിറങ്ങളായ വെള്ളയും മഞ്ഞയും ചേർത്ത നേവി ട്രാക്ക് സ്യൂട്ടാണ് വേഷം. ജനുവരി 20 -നു നടക്കുന്ന 10 കിലോമീറ്റർ ഒളിമ്പിക്സ് മാരത്തൺ ഓട്ടത്തിൽ പങ്കെടുത്തുകൊണ്ട് വത്തിക്കാൻ കായികലോകത്തിലേയ്ക്ക് പേപ്പൽ ഫ്‌ളാഗിന്റെ ആദ്യ സാന്നിധ്യം അറിയിക്കുവാൻ ഒരുങ്ങുകയാണ്.

നിലവില്‍ ക്രിക്കറ്റ്, ഫുഡ്ബോള്‍ ടീമുകള്‍ വത്തിക്കാനുണ്ട്. കായിക മത്സരങ്ങള്‍ സംവാദത്തിനും ഐക്യത്തിനും സമാധാനത്തിനും സഹായിക്കുമെന്നും അതിന്‍റെ ഭാഗമായാണ് ഒളിമ്പിക്സില്‍ പങ്കെടുക്കുന്നതെന്നും വത്തിക്കാന്റെ കായിക മന്ത്രാലയം അറിയിച്ചു.

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker