ലോകത്ത് നവോത്ഥാനത്തിന് ആദ്യം തുടക്കം കുറിച്ചത് ക്രിസ്തു ദേവന്‍; കടകംപളളി സുരേന്ദ്രന്‍
ലോകത്ത് നവോത്ഥാനത്തിന് ആദ്യം തുടക്കം കുറിച്ചത് ക്രിസ്തു ദേവന്‍; കടകംപളളി സുരേന്ദ്രന്‍
മനു കമുകിൻകോട്
ബാലരാമപുരം: ലോകത്ത് നവോത്ഥാനത്തിന് ആദ്യം തുടക്കം കുറിച്ചത് ക്രിസ്തുദേവനാണെന്ന് സഹകരണ-ദേവസ്വം വകുപ്പ് മന്ത്രി കടകംപളളിസുരേന്ദ്രന്‍. രണ്ടായിരം വര്‍ഷം മുമ്പ് നിലനിന്നിരുന്ന അന്ധവിശ്വാസങ്ങള്‍ക്കെതിരെയും അനാചാരങ്ങള്‍ക്കെതിരെയും ചാട്ടവാര്‍ വീശിയ നവോത്ഥാന നായകനാണ് ക്രിസ്തുവെന്നും മന്ത്രി പറഞ്ഞു. കമുകിന്‍കോട് വിശുദ്ധ അന്തോണീസ് ദേവാലയത്തിലെ തീര്‍ത്ഥാടന സൗഹൃദ സന്ധ്യ ഉദ്ഘാടനം ചെയ്യുകയായിരുന്നു മന്ത്രി.
ശ്രീനാരായണഗുരു ശിവപ്രതിഷ്ഠ നടത്തിയത് കേരളത്തില്‍ ആചാരലംഘനത്തിന്റെ ആദ്യരൂപമാണെന്നും ഇത്തരത്തിളള പല ആചാരലംഘനങ്ങളിലൂടെയായുമായണ് കേരള സമൂഹം ഇന്നനുഭവിക്കുന്ന സമത്വവും സ്വതന്ത്ര്യവും ഉണ്ടായതെന്നും മന്ത്രി പറഞ്ഞു. ക്രിസ്തുമതം കലോചിതമായ മാറ്റങ്ങള്‍ ഉള്‍ക്കൊണ്ടാണ് ശക്തിയാര്‍ജ്ജിച്ചതെന്നും മന്ത്രി കൂട്ടിച്ചേര്‍ത്തു.
എം.എല്‍.എ. കെ.ആന്‍സലന്‍ അധ്യക്ഷത വഹിച്ച പരിപാടിയില്‍ ബാലരാമപുരം വലിയപളളി ഇമാം അല്‍ഹാജ് പാച്ചല്ലൂര്‍ അബ്ദുള്‍ സലീം മൗലവി, ശിവഗിരിമഠം ജനറല്‍ സെക്രട്ടറി സ്വാമി സാന്ദ്രാനന്ദ, കിടാരക്കുഴി ഇടവക വികാരി ഫാ.ജോര്‍ജ്ജ്കുട്ടി, ഇടവക വികാരി ഫാ.ജോയി മത്യാസ് തുടങ്ങിയവര്‍ പ്രസംഗിച്ചു.
