Diocese

വ്ളാത്താങ്കര മരിയന്‍ തീര്‍ഥാടന കേന്ദ്രം പില്‍ഗ്രിം ടൂറിസം പദ്ധതി നിര്‍മ്മാണോത്ഘാടനം നാളെ

രാവിലെ 10.30-ന് ടൂറിസം മന്ത്രി കടകംപളളി സരേന്ദ്രന്‍ നിര്‍മ്മാണോത്ഘാടനം നിര്‍വ്വഹിക്കും...

അനിൽ ജോസഫ്

നെയ്യാറ്റിന്‍കര: നെയ്യാറ്റിന്‍കര ലത്തീന്‍ രൂപതയിലെ മരിയന്‍ തീര്‍ഥാടന കേന്ദ്രമായ വ്ളാത്താങ്കര സ്വര്‍ഗ്ഗാരോപിതമാതാ ദേവാലയത്തിന് അനുവദിച്ച പില്‍ഗ്രിം ടൂറിസം പദ്ധതിയുടെ നിര്‍മ്മാണോത്ഘാടനം നാളെ നടക്കും. രാവിലെ 10.30-ന് ടൂറിസം മന്ത്രി കടകംപളളി സരേന്ദ്രന്‍ നിര്‍മ്മാണോത്ഘാടനം നിര്‍വ്വഹിക്കും.

ആദ്യഘട്ടമായി 91 ലക്ഷം രൂപയാണ് വിനോദസഞ്ചാര വകുപ്പിന്റെ പില്‍ഗ്രിം ടൂറിസം പദ്ധതിയില്‍ ഉള്‍പ്പെടുത്തി അനുവദിച്ചിരിക്കുന്നത്. ഷോപ്പുകള്‍, എംടിഎം കൗണ്ടര്‍, ഹാള്‍ എന്നിവ അടങ്ങുന്ന അമിനിറ്റി സെന്റെറാണ് നിര്‍മ്മിക്കുന്നത്. തിരുവനന്തപുരം കേന്ദ്രമാക്കി പ്രവര്‍ത്തിക്കുന്ന ഹാബിറ്റൈറ്റിനാണ് നിര്‍മ്മാണ ചുമതല.

നിര്‍മ്മാണോത്ഘാടനത്തില്‍ എം.എല്‍.എ. കെ.ആന്‍സലന്‍, നെയ്യാറ്റിന്‍കര രൂപത വികാരി ജനറല്‍ മോണ്‍.ജി ക്രിസ്തുദാസ്, പാറശാല ബ്ലോക്ക് പഞ്ചായത്ത് പ്രസിഡന്‍റ് വി ആര്‍ സലൂജ , ഇടവക വികാരി മോണ്‍. വി.പി.ജോസ്, പഞ്ചായത്ത് പ്രസിഡന്റ് വട്ടവിള രാജ്കുമാര്‍, അമിനിറ്റി സെന്റെറിന്റെ നിര്‍മ്മാണചുമതല വഹിക്കുന്ന ശങ്കര്‍ തുടങ്ങിയവര്‍ ചടങ്ങില്‍ പങ്കെടുക്കും.

Show More

Leave a Reply

Your email address will not be published. Required fields are marked *

Related Articles

Back to top button
error: Content is protected !!
Close
Close

Adblock Detected

Please consider supporting us by disabling your ad blocker