ഉണ്ണിയേശുവിന്റെ മുഖത്തെ പുഞ്ചിരി പോലെ നിഷ്ക്കളങ്കമായിരിക്കട്ടെ അധ്യാപകരും; മോൺ.വി.പി.ജോസ്

അനിൽ ജോസഫ്

നെയ്യാറ്റിൻകര: ഉണ്ണിയേശുവിന്റെ മുഖത്തെ പുഞ്ചിരി പോലെ നിഷ്ക്കളങ്കമായിരിക്കട്ടെ അധ്യാപകരും, അവരുടെ മുന്നിൽ അറിവ്‌ തേടി വരുന്ന കുരുന്നുകളെ, കാലിത്തൊഴുത്തിൽ ഭൂജാതനായ ഉണ്ണിയീശോയുടെ പുഞ്ചിരിക്കുന്ന മുഖത്തോടെ സമീപിച്ചാൽ ഇന്നു കാണുന്ന പലവിധ അധ്യാപക-വിദ്യാർത്ഥി ബന്ധങ്ങളിൽ ഉണ്ടായിക്കൊണ്ടിരിക്കുന്ന അകൽച്ച മാറ്റാൻ കഴിയുമെന്ന് മോൺ.വി.പി.ജോസ്. ടീച്ചേഴ്സ് ഗിൽഡ് നെയ്യാറ്റിൻകര രൂപതാ സമിതി സംഘടിപ്പിച്ച ക്രിസ്തുമസ് ആലോഷം ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം. കുട്ടികളെ അക്ഷരജ്ഞാനികൾ ആക്കുന്നതോടൊപ്പം മൂല്യബോധവും എളിമയും പഠിപ്പിക്കാൻ അധ്യാപകർ ശ്രമിക്കണമെന്നും മോൺസിഞ്ഞോർ കൂട്ടിച്ചേർത്തു.

രൂപതാ പ്രസിഡന്റ് ഡി.ആർ.ജോസിന്റെ അധ്യക്ഷതയിൽ കൂടിയ യോഗത്തിൽ കോർപ്പറേറ്റ് മാനേജർ ഫാ.ജോസഫ് അനിൽ, ഫാ.ജോയ് സാബു, ഫാ.അലക്സ് സൈമൺ, കോൺക്ലിൻ ജിമ്മി ജോൺ, റീജ, സജിനി, ബീനാ റോസ്, ബിജു തുടങ്ങിയവർ നേതൃത്വം നൽകി.