Diocese

ലോഗോസ് പാസ്റ്ററല്‍ സെന്റെര്‍ സര്‍ക്കാര്‍തല കോറന്റീന് പൂര്‍ണ്ണമായും വിട്ട് നല്‍കി നെയ്യാറ്റിന്‍കര ലത്തീന്‍ രൂപത

ലോഗോസില്‍ പ്രവര്‍ത്തിച്ചിരുന്ന ഓഫീസുകള്‍ പത്താങ്കല്ലിലെ പഴയ ബിഷപ്സ് ഹൗസിലേക്ക് താല്‍ക്കാലികമായി മാറ്റി...

അനിൽ ജോസഫ്

നെയ്യാറ്റിന്‍കര: നെയ്യാറ്റിന്‍കര ലത്തീന്‍ രൂപതയുടെ ആദ്ധ്യാത്മിക കേന്ദ്രം പൂര്‍ണ്ണമായും സര്‍ക്കാര്‍ തല കോറന്റീന്‍ പ്രവര്‍ത്തനങ്ങള്‍ക്ക് വിട്ട് നല്‍കി. ആദ്യഘട്ടമായി ലോഗോസ് പാസ്റ്ററല്‍ സെന്റെറിലെ 25 ബാത്ത് അറ്റാച്ചിഡ് മുറികള്‍ നെയ്യാറ്റിന്‍കര മുനിസിപ്പാലിറ്റിയുടെ നേതൃത്വത്തില്‍ ഇന്ന് (തിങ്കളാഴ്ച) ഏറ്റെടുത്തു.

കോറന്റീന്‍ കേന്ദ്രം ഏറ്റെടുക്കുന്നതുമായി ബന്ധപ്പെട്ട് നടന്ന യോഗത്തില്‍ എംഎല്‍എ കെ.ആന്‍സന്‍, മുനിസിപ്പല്‍ ചെയര്‍ പേഴ്സണ്‍ ഡബ്ല്യൂ.ആര്‍.ഹീബ, ഡപ്യൂട്ടികളക്ടര്‍ സുരേഷ്, നെയ്യാറ്റിന്‍കര തഹസില്‍ദാര്‍ അജയന്‍, ആരോഗ്യവിഭാഗം നോഡല്‍ ഓഫീസര്‍ ഡോ.ശിവകുമാര്‍ നെയ്യാറ്റിന്‍കര സര്‍ക്കിള്‍ ഇന്‍സ്പെക്ടര്‍ ശ്രികുമാര്‍, ലോഗോസ് ഡയറക്ടര്‍ ഫാ.കിരണ്‍രാജ്, വാര്‍ഡ് കൗണ്‍സിലര്‍ പ്രവീണ്‍ തുടങ്ങിയവര്‍ സംസാരിച്ചു.

തുടർന്ന്, ഏറ്റെടുത്ത മുറികളുടെ ക്രമീകരണം മുനിസിപ്പാലിറ്റിയിലെ ശുചീകരണ തൊഴിലാളികളുടെ നേതൃത്വത്തില്‍ ക്രമീകരിച്ചു. മുറികള്‍ക്ക് വേണ്ട മെത്തകളും മറ്റ് ക്രമീകരണങ്ങളും മുനിസിപ്പാലിയുടെ നേതൃത്വത്തില്‍ ചെയ്യുമെന്ന് ചെര്‍പേഴ്സണ്‍ ഡബ്ല്യൂ.ആര്‍.ഹീബ പറഞ്ഞു. ലോഗോസില്‍ പ്രവര്‍ത്തിച്ചിരുന്ന രൂപതയുടെ സാമൂഹ്യ സംഘടനയായി നിഡ്സിന്റെയും, വിദ്യാഭ്യാസ ശുശ്രൂഷയുടെയും ഓഫീസുകള്‍ പത്താങ്കല്ലിലെ പഴയ ബിഷപ്സ് ഹൗസിലേക്ക് താല്‍ക്കാലികമായി മാറ്റിയതായി രൂപത വികാരി ജനറല്‍ മോണ്‍.ജി. ക്രിസ്തുദാസ് അറിയിച്ചു.

Show More

Leave a Reply

Your email address will not be published.

Related Articles

Back to top button
error: Content is protected !!

Adblock Detected

Please consider supporting us by disabling your ad blocker